Әлеуметтік бәтуаластық

Әлеуметтік бәтуаластық - қоғамның әлеуметтік топтары мен жіктері мүдделерінің теңгерімі, ресурстар мен қоғамдық өнімді бөлу жөніндегі әлеуметтік келісім, бұған саяси және әлеуметтік-экономикалық институттар мен тетіктердің тармақталған жүйесі арқылы қол жеткізіледі. Алуан түрлі мүдделердің арасындағы, экономикалық тиімділік пен әлеуметтік әділеттілік, экономикалық еркіндік пен экономикалық теңдік арасындағы қарама-қайшылықтар баламалылық қағидаты негізінде емес, шаруашылықтың алуан тұрпаттары мен экономика секторларының, экономикалық және әлеуметтік реттеу нысандарыың өзара іс-қимылы арқылы шешіледі. Әлеуметтік бәтуаластық институттары мен тетіктері жүйесі ұлттық экономика мен коғамның түрлі деңгейлеріндегі әлеуметтік серіктестіктің сан алуан нысандарын қамтиды, олар: кәсіпорын қызметкерлерінің басқаруға және акционерлік капиталға қатысуы, өндірістік және жергілікті өзін-өзі басқару, компаниялардың іскерлік серіктестігі, ынтымақтастың салалық және аймақтық тораптары, т.б. Бірқатар елдерде корпоратизм елеулі рөл атқарады, ол арнаулы институттар мен рәсімдер арқылы мемлекеттің делдалдығымен негізгі әлеуметтік серіктестердің: кәсіподақтар мен кәсіпкерлер одақтарының іс-қимылын келісіп отырады.