Әл-Харақи

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Әбул-Қасим Амр ибн әл-Хусәйн ибн Абдуллаһ ибн Ахмад әл-Харақиханбали мазһабының имамы, көрнекті фақиһ, Аллаһқа көп құлшылық еткен тақуа. Білімді өзінің әкесінен, Әбу Бәкр әл-Маруазидан, имам Ахмад ибн Ханбалдың ұлдары — Салих пен Абдуллаһтан алған. Одан Абдуллаһ ибн Батта, Әбул-Хусәйн әт-Тамими, Әбул-Хусәйн ибн Самғун секілді ханбали мазһабының ғалымдары білім алған. Ибн Қудаманың атақты «әл-Муғни» кітабы әл-Харақидың «Матн әл-Харақи» еңбегіне негізделген.

Бағдат қаласында жамандақ таралып, сахабалар мен сәләфтарды сөгу баталғанда әл-Харақи өзінің тұрғылықты қаласынан Дамаскқа қоныс аударуға мәжбүр болады. Қазы Әбу Йағлә айтады:

«Әл-Харақидың таралмаған көптеген кітаптары мен мазһаб түсініктемелері болған. Оның себебі сахабаларды сөгу басталып, ол қаланы тастап кеткенде, оның кітаптары үйінде қалып қойған. Кейін оның үйі кітаптарымен бірге отқа оранып, жанып кеткен»

Әл-Харақи шәһидтер моласына жақын жерде, «Баб әс-сағир» қабірінде жерленген[1].

Дереккөздер[өңдеу]

  1. «Матн әл-Харақи» — «Сахаба әт-турас» баспа үйі, Сирия, Танта. 1993 жыл (бірінші басылым)

Тағы қараңыз[өңдеу]