Әскерлерді басқару органдары

Әскерлерді басқару органдары (Органы управления войсками) — әр түрлі буындарда әскерлерді (күштерді) басқару міндеттерін атқаруға арналған әскери ведомство жүйесіндегі тұрақты (штаттық) және уақытша (штаттық емес) құрылған штабтар, басқармалар, бөлімдер мен тағы басқа органдардың жиынтық атауы. Басқару органдарының құрамы мен техникалық жабдықталуы олардың қандай қарулы күш, әскер (күш) түріне жататыңдығына, іс-әрекет көлеміне, әскерлерді басқарудағы орны мен рөліне байланысты. Ұрыстық іс-қимылдармен байланысты басқару органдарының штабтарын т.б. орналастыру және олардың жұмыс жасауы үшін басқару пункттері құрылып, жабдықталады. Бейбіт уақытта басқару органдары арнайы жабдықталған бөлмелерде орналастырылады. Барлық басқару органдары тиісті байланыс құралдарымен, басқару техникасымен, көлікпен және т.б. жабдықталады.