Әуегеофизикалық экспедиция

Әуегеофизикалық экспедиция- 1957жылы "Қазақстангеофизика" тресі құрамында құрылған. Экспедиция 45 жылдан астам уақыт ішінде геологиялық-геофизикалық жұмыстардың барлық түрін атқарды, ал 1973 ж. бері негізінен әуеварианттық қызметтерді орындауда. 1989 ж. Қазақстан аумағында масштабы 1:200 000 гравиметрлік түсіру аяқталды. Экспедиция "Геотраверс" және радиоэкологиялық бағдарлама бойынша Ресей мен Қазақстанның еуропалық бөлігін зерттеу, ғарыштан анықталган нысандарды жер бетінде нақтылау, ғарыш кемелерінің қалдықтарын іздеу сияқты іс-шараларды жүзеге асырды. Өзінің 45 жылдан астам зерттеу тарихында Ә.э. зерттеулері нәтижесінде 1,5 млн. м² аумақтағы геологиялық зерттеулердің геофизикалық негізін дайындады, әр түрлі пайдалы қазба кенорындарын, оның ішінде мұнай және газ кенорындарын ашу мүмкіндігі бар 132 геофизикалық алаңшаларды анықтап, геологиялық мекемелерге тапсырды. 1997 ж. бастап экспедиция, "КазНИИГеофизика" институтымен бірігіп, "Геокен" ғылыми- өндірістік орталығына айналды. Қазіргі уақытта "Геокен" орталығы мұнай компаниялары үшін геофизикалық зерттеулер жүргізеді.