Әуеден суретке түсіру

Әуеден суретке түсіру (орыс. воздушное фотографирование) — жер (су) бетін немесе ондағы объектілерді ұшақтан не өзге ұшу аппаратынан суретке түсіру арқылы әуе барлауын жүргізу тәсілі. Әуеден суретке түсіру қарсыластың ракеталық-ядролык құралдары мен артиллериялық атыс бекіністерінің орналасқан жерін аныктау, жергілікті жердің кейбір өңірлерін зерттеу мен маңызды объектілерді табу, топографиялық объектілерді жөндеу мен бақылау мақсатында қолданылады. Аэросурет аппараттарының суретке түсіру кезінде орналаскан орнына қарай жоспарлы, , ағымдағы және жоспарлы-ағымдағы түсіру деп бөлінеді. Әуеден суретке түсіру орындау тәсіліне карай мынадай түрлерге бөлінеді:

• жеке-шағын объектілерді жеке суреттерге түсіру;
• бағыттық — ұшу бағытының бойында суретке түсіру;
• көлемдік — ауданды екі не одан да көп көлденең бағыттарда суретке түсіру.

Әуеден суретке түсіру нәтижесінде алынған суреттер анықталып, жергілікті жердің сипаты мен ондағы қарсыластың объектісі жөнінде дұрыс әрі анық мәліметтер алынады.