Әуезхан Әміреқұлов

ӘМІРЕҚҰЛОВ Әуезхан (23.2. 1920 ж.т., Тұрар Рысқұлов ауданы Құлан а.) – еңбек ардагері. 1937 – 40 ж. ауылдық кеңестің хатшысы. 1940 ж. әскер қатарына шақырылып, 1941 – 43 ж. 2-дүниежүз. соғысқа қатысты. 1944 – 45 ж. аудандағы Қайыңды орта мектебінде мұғалім, 1945 – 56 ж. қой өсіру кеңшарында директордың орынбасары, Луговой жылқы з-тында жұмысшылар к-тін басқарды. 1958 ж. Қапланбек зоовет техникумындағы кеңшар директорларының 2 жылдық білім жетілдіру курсын бітіргеннен кейін, Тұрар Рысқұлов ауданындағы «Подгорный» астық кеңшары директорының орынбасары, 1962 ж. «Алғабас» кеңшарының директоры болып, шаруашылықты 18 жыл бойы қатарынан басқарды. Осы жылдары кеңшар мемлекетке 2 рет млн. пұттан астам астық тапсырды. Ә. жауынгерлік наградалармен қоса Еңбек Қызыл Ту, екі рет Құрмет Белгісі ордендерімен, көптеген медальдармен, Қазақ КСР Жоғ. Кеңесі Президиумының Құрмет Грамоталарымен марапатталды. Бұрынғы «Алғабас» кеңшарының орт. – Өрнек а-ндағы бір көше Ә-тың атымен аталады.