Әуелай Сабырқызы Оспанова

Оспанова Әуелай Сабырқызы— 1970 жылы 5 мамырда қазіргі Түркістан облысы, Отырар ауданы Маяқұм елді мекенінде туған.. 1993 жылы Қазақтың мемлекеттік қыздар педагогикалық институтының жаратылыстану-география факультетін тәмамдаған. Еңбек жолын 1993—1994 оқу жылы Алматы қаласындағы №12 орта мектепте география пәнінен мұғалім болудан бастады. 1994 жылы "Рауан" (қазіргі "Мектеп") баспасына редактор болып ауысты. Қазіргі таңда баспада Бас редактордың орынбасары қызметін атқарады.

Жалпы білім беретін мектептерге арналған көптеген оқулықтар мен оқу құралдарының редакторы. "Мектеп" баспасында 1999—2000 жылдары жарық көрген терминологиялық сөздіктер сериясын дайындауға қатысқан. Қазақша-орысша, орысша-қазақша "экология", "Су шаруашылығы", "Дене тәрбиесі және спорт" терминологиялық сөздіктерінің авторлар ұжымының мүшесі.Ә.Оспанованың өлеңдері аудандық, республикалық газет-журналдарда жарияланып жүр. 1992 жылғы "Студенттер коктемі" фестивалінің иегері. "Жыр желкен" атты өлеңдер жинағы жарық көрген.