Әуе кабелі

Әуе кабелі (Воздушный кабель; aerial cable) — екі өткізгіш сымнан тұратын, ашық ауада бағана-тіректердің басына іліпіп қойылатын құрылғы. Мүндай құрылғы жел және басқа да атмосфера құбылыстарына тотеп беруі үшін олардың механикалық қасиетіне көңіл бөлінеді. Сымдарды диаметрі 3—4 мм болатын төзімді металдан (мыс, болат) жасайды. Сымдар бір-бірінен алшақ тұруы және бағананың басына бекітілуі үшін фарфордан (кейде шыныдан) жасалған оқшаулағышизоляторлар қолданылады. Әуе байланыс жолымен берілетін сигналдар спектрінін ауқымы тізбекті құрайтын сымның материалы мен оның өлшеміне байланысты. Мысалы, болат сымнан жасалған тізбекпен берілетін сигналдың спектрі 40 кГц-ке дейін, мыс сымнан жасалған тізбекпен берілетін сигналдың спектрі 150 кГц-ке дейін болады. Электр байланысы дамуының алғашқы дәуірінде белгілі міндет атқарғанмен, соңғы кезде әуе байланыс жолының пайдалануы шектеліп, басқа байланыс жолдары оны ығыстырып шығарды.