Әшірәлі Кенжеұлы

Әшірәлі Кенжеұлы
Сурет
Жалпы мағлұмат
Туған күні	6 желтоқсан 1946 (1946-12-06)
Туған жері	Түркістан облысы, Сарыағаш ауданы
Қайтыс болған күні	19 қыркүйек 2001 (2001-09-19) (54 жас)
Қайтыс болған жері	Алматы
Азаматтығы	КСРО  Қазақстан
Мамандығы	актер
Марапаттары	Қазақстанның халық әртісі

Әшірәлі Кенжеұлы (6 желтоқсан 1946 жыл, Түркістан облысы Сарыағаш ауданы Кәлтоған ауылы - 19 қыркүйек 2001 жыл, Алматы) — актер. Қазақстанның халық әртісі (1998 жылы). Мұхтар Әуезов атындағы Қазақ академиялық драма театрының актері (1968-2001 жылдары).

Жалпы мәліметтер

Алматы консерваториясын (қазіргі Қазақ ұлттық консерваториясы) бітірген (1969). Өнер жолын 1968 жылы Қазақ академия драма театры сахнасынан бастады. Ол Қозы (Ғ.Мүсіреповтің "Қозы-Көрпеш -Баян сұлуында"), Алшағыр, Көлбар, Кеңгірбай (М.Әуезовтің "Қара қышлақ Кобыланды", "Айман - Шолпаны", "Еңлік - Кебегінде", Абай (Б.Римованың "Абай -Әйгерімінде"), Демесін, Айтөре (Д.Исабековтің "Кішкентай ауылы" мен "Ескі үйдегі екі кездесуінде"), Қайырбай(С.Балғабаевтың"Ғашықсыз ғасырында"), Мард (Шахимар-деннің "Томирисінде"), Құнанбай (И.Сапарбайдың "Абай - Әйгерімінде"), Гарпагон (Ж.Мольердің "Сараңында"), т.б. рольдерді шебер орындады.

Жеке өмірі

Жары: Мұхтар Әуезов атындағы Қазақ академиялық драма театрының актрисасы. Қазақстанның халық артисі. «Парасат» және «Құрмет» Ордендерінің иегері Торғын Жылқышықызы Тасыбекова.