Өздігінен бағытталатын жылулық оқтұмсық

Өздігінен бағытталатын жылулық оқтұмсық — басқарылатын ракеталарда, бомбаларда, торпедаларда және басқа да жою құралдарында орнатылған және оларды нысанаға бағыттауға арнаған арнайы құрылғы. Өздігінен бағытталатын жылулық оқтұмсық нысана мен оның айналасындағы аясының арасындағы жылулық қарама-қайшылығын қолдану принципімен жұмыс істейді. Өздігінен бағытталатын жылулық оқтұмсық снарядтың баскы бәлігіне орнатылады және сыртынан жарық пен инфрақызыл сәуле өткізетін маталы орамамен жабылады. Нысананы байқау және оған снарядты бағыттау сәулелі энергия индикаторымен және автоматика жүйесімен камтамасыз етіледі. Алынған сигналдардың ықпалымен өздігінен бағытталатын жылулық оқтұмсық қажет пәрмендер жасап, оларды ракеталардың, бомбалардың, торпедалардың және т.б. ұшу траекториясын басқаратын тиісті орындаушы блоктарга жібереді. Ату кезіндегі негізгі міндет снарядты нысанаға бағыттаудың жарылғыш заттың әсер ету радиусымен емес, өздігінен бағытталатын жылулық оқтұмсықтың әсер ету аумағымен анықталған дәлдікпен жіберу болып табылады. Өздігінен бағытталатын жылулық оқтұмсықпен басқарылатын ракеталар жоғары дәлдікпен бағытталатындығымен ерекшеленеді.