Өлшеудің нөлдік әдісі

Уикипедия — ашық энциклопедиясынан алынған мәлімет
Jump to navigation Jump to search

Өлшеудің нөлдік әдісі - өлшенбекші шаманың салыстыру құрылғысына (нөлиндикаторға) әсері белгілі шамалардың қарсы әсерімен толық теңестірілуге (айырмасы нөлге теңескенше) негізделген өлшеу әдісі.

Құрылғы көрсеткішінің нөлдік межеге дәл келуі немесе басқадай жайттардың (мысалы, қыздыру сымының не оптикалық дақтың көрінбей қалуы т.б.) өзгерісі өлшенбекші шаманың белгілі шамаға тең екендігін аңғартады. Өлшеудің нөлдік әдісі салыстыру құрылғыларымен орындалады. Шамаларды өзара теңестіру белгілі бір шаманы өзгерту арқылы іске асырылады. Мысалы, өлшеуіш көпір әдіснде өлшенуге тиісті кедергінің шамасы белгілі кедергіні өзгерту арқылы, ал салмақ таразының екінші иініне салнған жүктің массасы бойынша, қызған дененің температурасы пирометрдің қыздыру сымының жарықтылығымен салыстыру негізінде анықталады. [1]

Дереккөздер[өңдеу]

  1. Қазақ Совет энциклопедиясы, 1976 жыл, Алматы,9 том,6 бет