Өмірхан Әбдиманұлы

Өмірхан Әбдиманұлы
Дүниеге келгені:	1953 Жамбыл облысы Жақсылық ауылы
Ұлты:	қазақ
Мансабы:	Профессор

Өмірхан Әбдиманұлы(3.3.1953. Жамбыл обысы Тұрар Рысқұлов ауданы Жақсылық ауылы) - тележурналист, әдебиеттанушы ғалым, , филология ғылымдараның докторы (2007), профессор.

• 1976 жылы С.М. Киров атындағы Қазақ мемлекеттік университетінің филология факультетіне түсіп

• 1982 жылы М.В.Ломоносов атындағы Москва мемлекеттік университетінің журналистика факультетін бітіріп шықты.

• Еңбек жолын Жезқазған облыстық "Жезказған туы" газетінде әдеби қызметкер (1982-83)

• қазақ теледидарында редактор (1983 май-қыркүйек)

• ҚазМУ-дің журналистика факултетінің телерадио кафедрасының оқытушысы (1983-88)

• 1988 жылы ҚазҰУ-дің филол. ф-тінде аға оқытушы, факультеттің сырттай оқу бөлімінің деканы (1993-95), факультеті деканының орынбасары (2001-2005), 2009 жылыдан бастап кафедра меңгерушісі.

Ғылыми еңбектері

• 1992 жылы «А.Байтұрсыновтың әдеби-публицистикалық мұрасы» тақырыбында кандидаттық диссертация қорғады.

• 2007 жылы «Ұлт-азаттық идеяның XX ғасыр басындағы қазақ әдебиетіндегі көркемдік мәні мен жаңашылдық сипаты» атты тақырыпта докторлық диссертация қорғады.
• Қазақ әдебиеті тарихының «ақтаңдақтарын» ашуға елеулі үлес қосты, Алаш тарихын, алаш арыстары шығармашылығын зерттеп, бірнеше іргелі еңбектер жазған әдебиет зерттеушісі. Ғалымның Алаш әдебиетіне арналған «Қазақ газеті» (1993), «Ахмет Байтұрсынұлы» (2007), «Қазақ әдебиетіндегі ұлт-азаттық идея» (2007) атты монографиялық зерттеулері және ғылыми мақалалары бар.

• Қазір әл-Фараби атындағы Қазақ Ұлттық Университеті журналистика факультетінің деканы қызметін атқарады.

Қоғамдық жұмысы

• 1983-90 жылдар аралығында "Алатау" телеарнасының штаттан тыс авторы. Алатау арнасында "Ұлағат" атты хабарлар сериясын дайындап, ұлттық ғылымның көрнекті қайраткерлері ғалым-академиктер М.Қаратаев, З.Қабдолов, Р.Бердібаев, Ш.Сарыбаев,П.Тәжібаева,М.Шығаева, Қ.Қайсенов, т.б. туралы тағылым-тәлімдік мәні зор хабарлары "Алтын қорға" қосылды.
• 1989 жылы Алматы қаласында тұңғыш рет "Алатау аруы" атты

• 1990 жылы алғашқы республикалық "Қыз сыны" конкурсын өткізіп, оларды республикалық телевидение арқылы кеңінен насихаттап, жаңа сападағы конкурстық хабарлар жасау жүйесін орнықтырды. Осы хабарлар негізінде кейіннен қазақ теледидарында "Келін сыны", "Жігіт сұлтаны" сынды хабар түрлері пайда болды.
• 1989-90 жылдары "Наурыз" тойын Республика сарайында мерекелеу салтанатын ұйымдастырушылардың бірі.

• Сонымен қатар республикалық баспасөзде телеөнердің келелі мәселелерін көтерген "Жастар хабарларын барлағанда", "Көгілдір экрандағы әдебиет", "Тамаша және талғам" т.б. ғылыми-танымдық мақалалар жариялады.

Шығармалары

• "Қазақ газеті" (1993)

• "Ахмет Байтұрсынұлы" (2007)

• "Қазақ әдебиетіндегі ұлт-азаттық идея" (2007) атты монографиялық зерттеулер

• "XX ғасыр бас кезіндегі қазақ әдебиеті" (2002)

• "Қазақ әдебиеті" (2007) оқулықтар

• 200-ден астам ғылыми мақалалары жарық көрді.

• Оннан астам оқу құралдары мен көмекші әдістемелік құралдар жазды.

• 2 томдық "Қазақ әдебиеті қысқаша тарихының"

• 10 томдық "Қазақ әдебиеті тарихының" авторларының бірі.

Марапаттары

• Қазақстан журналистер одағы сыйлығының иегері (1994)

• ҚР Білім Министірлігнің Құрмет грамотасын (1996)

• "ҚР Білім беру ісінің үздігі" белгісі (1997).