Өсімдік майын гидрогендеу

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Өсімдік майын гидрогендеу - сұйық өсімдік майын катализ арқылы қатты майға айналдыру. Өсімдік майын гидрогендеу үшін күнбағыс, мақта, бұршақ, жержаңғақ майы пайдаланылады. Олардың құрмында линолен, линол, олеин, пальмитин және стеарин қышқылдарының үшглицеридтері болады. Өсімдік майын гидрогендеу процесінде қанбаған май қышқылдарының қос байланыстарына сутек қосылады. Қатты күйге айналған май қанығу дәрежесіне , гидрогенделген өнімдердің балқу температурасына сәйкес тамаққа, сондай - ақ техникалық мақсаттарда қолданылады. Өсімдік майын гидрогендеу іс жүзінде тек катализатордың қатысуымен жүреді. Өндірісте никель және мыс - никель аралас катализаторлар қолданылады. Май құрамындағы қос байланыстар санына және олардың гидрогенделетін қосылыстағы орнына қарай өсімдік майын гидрогендеу жылдамдығы әр түрлі болады. Гидрогенделген май КСРО - да «саломас» деп аталған.[1]

Дереккөздер[өңдеу]

  1. Қазақ Совет энциклопедиясы, 1976 жыл, Алматы,9 том,62 бет