Өткелек

Өткелек - малды жеке-жеке өткізу үшін ағаштан жасалған тар жол.

Мұны ат қора, қой қора жанынан не жайылымда орнатады. Бұл малды санау, бонитировка жүргізу, қойды креолинге тоғыту үшін пайдаланылады. Өткелек үш бұрышты шағын қашадан тұрады.

Өткелектің мөлшері жылқы мен сиы үшін ұзындығы 2-3 метр, ені 70-100 см, қой үшін 6-8 метр, ені 40-45 см. Үш бұрышты қашадан малды аз-аздап бөліп, тар жол арқылы өткізеді, қажетті малды есік арқылы екінші қашаға өткізіп жібереді.