25 жыл ішінде Қазақстан геологиясын зерттеудің табыстары (кітап)

Уикипедия — ашық энциклопедиясынан алынған мәлімет
Jump to navigation Jump to search

25 жыл ішінде Қазақстан геологиясын зерттеудің табыстары - 1946 жылы Алматы қаласындағы КСРО Ғылым Академиясының Қазақ бөлімшесі шығарған геологиялық сериясының №6-7 (20 шығарылым)-санында жарияланған материалдар. КСРО Ғылым Академиясының мүшесі Қаныш Сәтбаевтың редакциялауымен жарық көрген еңбекте 25 жыл ішінде Қазақстан геологиясын зерттеудің табыстары жайлы жазылған 23 ғалымның мақалалары топтастырылған. Сәтбаевтың «Қазақстан Республикасының 25 жылдығы қарсаңындағы геологиялық зерттеулердің негізгі кезеңдері мен нәтижелері» және «25 жыл ішіндегі Қазақстанның қара металы» атты көлемді екі мақаласы берілген. Онда Қазақстанның жер көлемі, табиғаты, пайдалы қазбалары, геологиялық жағынан зерттелу тарихы, ірі кен, өндіріс пен өнеркәсіп орындары, Қазақстанның геологиялық қызметі, сонымен бірге қазақстандық геолог-ғалымдардың еңбегі туралы айтылып, жиырма бес жыл ішінде әлемге әйгілі Қазақстанның қара металлургиясы саласындағы қол жеткен табыстарына қорытынды жасалады.[1]

Дереккөздер[өңдеу]

  1. Қаныш Сатпаев. Энциклопедия / Бас редактор Б.Ө.Жақып. — Алматы «Қазақ энциклопедиясы», 2011 жыл. ISBN 9965-893-74-8