ArcaBoard
ArcaBoard — америкалық ARCA Space Corporation әуеғарыш корпорациясы "Болашаққа қарай-2" фильміндегі ховербордқа ұқсас жасап шығарған тұңғыш ховерборд.[1] ArcaBoard "ұшатын тақтайы" 30 сантиметрге дейінгі биіктікпен ұша алады. Бұған дейін өзге компаниялар жасап шығарған құрылғылар магниттің күшімен және арнайы жерде ғана жұмыс істейтін болған.
Дизайн[өңдеу | қайнарын өңдеу]
Ховерборд 36 қозғалтқыш күшінің арқасында ұшады. Олардың жалпы күші 270 аттың күшінен асып түседі және дене салмағы 110 келіге дейінгі жолаушыны көтере алады. Алайда бұл құрылғының барлық тетігі толық жетілдірілмеген: алты сағаттық заряд алты минут ұшуға ғана жетеді.[2]
Ховербордтың салмағы 80 келіден жоғары, көлемі - 145x76x15 сантиметр. Жылдамдығы сағатына 20 шақырымға дейін жетеді. ArcaBoard тақтайын смартфонның көмегімен және өз денеңді басқарғандай басқаруға болады.
Өндірушілердің мәліметінше, тақтай әуеғарыш өнеркәсібінде қолданылатын материалдарынан жасалған. Ол 2016 жылдың сәуір айында сатылымға шығады, бағасы шамамен - 20 мың доллар.
"Біз бұл өнімді 2015 жылы шығарып, "Болашаққа қарай-2" фильмінің сәуегейлігін пайдаландық десем де болады. Басынан бастап біз сатып алуға болатын және жеңіл қолданылатын көлік түрін жасап шығарғымыз келді. Біз өзге көптеген компаниялардың да бұл технологияны жасап шығаратынына сенімдіміз, себебі ол өкінішке қарай қымбат тұрады. Біз өнімнің сапасын төмендеткіміз келмейді - ол ұшатын көлік құралы және оны арзандата да алмаймыз. Бірақ алдағы жылдарда оның бағасын төмендете аламыз деп ойлаймын", - деді құрылғыны жасап шығарған Думитру Попеску. [3]
Техникалық сипаттамалары[өңдеу | қайнарын өңдеу]
ARCA ғарыш корпорациясы веб-торабынан [4]
- Материал: композициялық материалдар
- Ұзындығы: 145 см
- Ені: 76 см
- Биіктігі: 15 см
- Макс салмағы: 82 кг
- Макс пайдаланушы салмағы: 110 кг
- Қозғалтқыштардың саны: 36
- Орнатылған қуаты: 203.000 Вт
- Ең қуаты: 272 HP
- Жұмыс кернеуі: 38 В
- Шу деңгейі: 92 дБ
- Ең биік жер: 30 см
- Ең жоғары жылдамдығы: 20 км / с
- Шыдамдылығы: 6 мин
Дереккөздер[өңдеу | қайнарын өңдеу]
- ↑ This hoverboard costs $20,000 and can fly for six minutes, The Verge, http://www.theverge.com/2015/12/24/10663228/arcaspace-arcaboard-hoverboard-skateboard
- ↑ АҚШ-та ұшатын тақтай жасап шығарылды
- ↑ Las Cruces company ARCA develops hoverboard, Las Cruces Sun, http://www.lcsun-news.com/story/news/2015/12/24/las-cruces-company-arca-develops-hoverboard/77861044/
- ↑ ArcaBoard product specifications, http://www.arcaspace.com/en/ArcaBoard/specs.htm
Сыртқы сілтемелер[өңдеу | қайнарын өңдеу]
- ArcaBoard product page Мұрағатталған 6 ақпанның 2016 жылы.