Pagani Automobili

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Pagani Automobili S.p.A
Құрылған жылы

1992

Құрушы

Горацио Пагани - компанияның негізін қалаушы

Орналасқан жері

Модена, Италия

Басты адамдары

Горацио Пагани (компания президенті)

Саласы

автомобиль жасау

Өнімі

автомобильдер

Сайты

http://PaganiAutomobili.it

Pagani Automobili S.p.A. - көміртек талшықтарынан спорткарлар жасаумен айналысатын итальяндық компания. Горацио Паганимен 1992 жылы негізі қаланып, Модена қаласының қасындағы Сан-Чезарио-суль-Панарода орналасқан.

Тарихы[өңдеу]

Pagani Zonda R автомобилі Италиядағы Pagani зауытының қасында

Lamborghini компаниясының композиттік материалдар бөлімінде жұмыс істеген Горацио Пагани 1988 жылы Pagani Composite Research компаниясын құрады. Жаңадан құрылған компания Lamborghini компаниясымен бірге Lamborghini Countach моделінің 25-жылдық мерейтойына рестайлинг жасауға қатысып, Lamborghini P-140 концепт-карын істеуге, Lamborghini Diablo моделін жасауға қатысты. 80-ші жылдардың соңында Пагани өз жобасы бойынша "C8 жобасы" аталып кеткен автомобиль жасауға кіріседі. Пагани "C8 жобасын" "Fangio F1"-деп 5 дүркін Формула-1 жарысының жеңімпазы Хуан-Мануэль Фанхионың құрметіне атағысы келді.

1991 жылы Горацио Пагани өзінің дизайнерлік және жобалық жұмыстарына және прототиптер құрастыру қызметіне деген үлкен сұранысқа байланысты Modena Design компаниясын құрады. 1992 жылы ол Fangio F1 жобасы бойынша жұмыс істей бастап, 1993 жылы бұл көлік Dallara компаниясының аэродинамикалық сынағынан сәтті өтті. 1994 жылы Mercedes-Benz компаниясы Паганиге V12 қозғалтқыштарымен қамтамасыз етуге рұқсат берді.

Шыққан автомобиль Zonda C12 деп аталды. 1995 жылы қайтыс болған ұлы жеңімпазға құрмет ретінде Fangio F1 атауы басқаға ауыстырылды. Автомобиль алғашқы рет Женева автосалонында 1999 жылы көпшілікке көрсетілді.

2005 жылы компания шығарылатын көліктер санын үш есеге көбейтуді шешіп, 2007 жылы америка нарығына шығуды жоспарлады.

2007 жылы 25 қыркүйекте Pagani Zonda F Club Sport автомобилі 7 минут 27,82 секунд көрсеткішімен Нюрбургринг трассасының рекордын орнатты. Алайда содан кейін Maserati MC12, Chevrolet Corvette ZR1 және Dodge Viper SRT10 ACR автомобильдері бұл рекордтан асып түсті[1].

2010 жылы Pagani рекордты қайтадан бұзды — Pagani Zonda R жарыс автомобилі бір айналымды 6 минут 47,5 секундта өтті[1].

Дереккөздер[өңдеу]

  1. a b http://www.paganiautomobili.it/english.htm