Sәlem Entertainment
| Sәlem entertainment | |
 | |
| Құрылды |
2018 жылы |
|---|---|
| Орналасуы |
Алматы қаласы |
| Басты адамдары |
Рүстем Омаров, Ғалымбек Құлман, Тимур Смағұлов, Қуат Садықов |
| Саласы |
контент, стрим |
| Өнімі |
видео өнімдері: телехикаялар, стендап-шоулар, |
| Басшы компания | |
| Тілдері |
орысша, қазақша |
| Статусы |
жұмыс жасауда |
| Сайты | |
Sәlem Entertainment (2024 ж. дейін Salem Social Media) — Әлеуметтік желілер мен бейнехостингтерде медиаконтентті өндіру және дистрибуциялау жөніндегі қазақстандық компания. 2018 жылы құрылды. Алматы қаласында меншікті интернет-арналар желісі мен продакшн-студияға ие. 2017 жылы құрылып, түрлі көңіл көтеру бағытында интернет желісінде веб-сериалдар, түрлі шоулар, стендаптар, көңіл көтеру бағдарламаларын шығара бастады. Құрылтайшысы - ERG ірі кен корпорациясы, 2024 жылдан бастап Қазақтелеком меншігіне өтті.
Компанияның тарихы
[өңдеу | қайнарын өңдеу]Негізінің қалануы
[өңдеу | қайнарын өңдеу]- Salem Social Media компаниясы 2018 жылы құрылған. Алғашқыда компанияның негізгі мақсаты — отандық бейнеплатформа AITUBE үшін сериалдар мен түрлі форматтағы бейнемазмұн әзірлеу болатын. Компанияның құрылымы тік басқаруға негізделіп, AITUBE қызметін қазақстандық аудиторияға таныстыруға бағытталды.
Ресми деректер бойынша алғашқы директоры Александр Владимирович Аксютиц болды. Ол 2021 жылдың мамырына дейін компанияда басшылық қызметін атқарды. Содан кейін оның орнына компанияда аға орындаушы продюсер қызметін атқарған Рустам Юсупов келді.[1]
Қазақстандық Salem Social Media медиаплатформасы, бұрын Eurasian Resources Group S.a.r.l. (ERG S.a.r.l.) тобының қаржыландыруымен жұмыс істеген, Қазақтелеком акционерлік қоғамының меншігіне өтті. [2]
Бұл өзгеріс ERG S.a.r.l. менеджерлер кеңесінің төрағасы Александр Машкевичтің медиалық активтерін сату жөніндегі шешімінен кейін орын алды. Ол медиаресурстарды басқару арнайы білім мен біліктілікті талап ететінін айтып, компанияның негізгі қызметі — кен өндіру мен металл өндіруге назар аударуы қажет екенін мәлімдеді.
- 2025 жылдың қаңтар айында Salem Social Media компаниясы мен «Қазақтелеком» АҚ бірлесіп киноөнімдер шығару және оларды TV+ платформасында көрсету бойынша ынтымақтастық туралы меморандумға қол қойған болатын.
Сонымен қатар, жақында Salem Social Media отандық стримингтік платформаға төрт сериалды сату туралы келісімге қол қойды. Олардың қатарында «Черный двор», «МСБ», «Qarga» және «Шеше» атты телехикаялар болды.
- 2024 жылдан бастап Salem social media компаниясы бұрынғы бизнес-моделіндегі қызметін тоқтатты.
Алты жыл ішінде Salem Social Media 30-дан астам сериал түсіріп, қазақстандық және ТМД елдері көрермендері арасында кең танымалдыққа ие болды. Компания жасаған жобалар арасында Sheker, 5:32, Сәке, Қара аула (Черный двор) сияқты культтік сериалдар бар. Бұл жобалар отандық цифрлық контент индустриясының дамуына елеулі үлес қосты.
2024 жылғы 1 наурыздан бастап компания өз жұмысын жаңа бизнес-модель аясында жалғастыратынын мәлімдеді. Бұл кезеңде компания горизонталды басқару құрылымына көшіп, Sәlem Entertainment атауын қабылдады. Жаңа құрылым отандық жобаларды халықаралық стандарттарға сай жасауға бағытталған.
Компания басшылығында елеулі өзгерістер орын алды. Sәlem Entertainment директорлар кеңесінің төрағасы болып Рүстем Омаров тағайындалды. Ол — «Алаяқтар», Meow, «Патруль» сияқты жобалардың шоураннері. CEO қызметін Игорь Цай атқарады. Ол АҚШ, Қытай және ТМД елдерінде продюсер ретінде жұмыс істеген, оның жобалары 100 млн АҚШ долларынан астам табыс әкеліп, түрлі платформаларда жүздеген миллион көрілім жинаған.
Компанияның тактикалық бағытына Ғалымбек Құлман жетекшілік етеді. Ол директор ретінде қаржылық инвестициялар мен жарнамалық интеграциялар бағытын үйлестіреді. Сондай-ақ, кеңесші ретінде медиаиндустрияда тәжірибелі продюсерлер Тимур Смағұлов пен Қуат Садықов тартылды.
Sәlem Entertainment 2024 ж. маусымын «Махаббатпен, Алаяқ»(«С любовью, Аферист») атты сериалмен ашты. Сондай-ақ, компания «Пракурор» сериалын қайта жаңғыртып, жаңа маусымын шығаруды жоспарлап отыр.
Sәlem Entertainment қазіргі таңда қазақстандық және шетелдік аудитория үшін сапалы әрі мазмұнды жобалар жасауды жалғастыруда. [3]
Өндірген танымал веб-сериалдары
[өңдеу | қайнарын өңдеу]"Salem Social Media" пайда бола салысымен қалың адам отыратын танымал видеохостингтерде (Youtube-та, сондай-ақ қазақстандық жасақтаушылар шығарған Aitube.kz бейнехостингінде, қазақстандық Aitu қолданбасында) веб-сериалдар шығара бастады. Қазіргі таңда TV+ платформасы үшін(2025 жылы) веб-сериалдар өндіреді.
Youtube желісіндегі 2021 жылғы веб-хикаялары:
- Тақиясыз періште
- Қарапайым Қайрат (әрбір сериясы орташа есеппен 4 млн қаралым жинаған)[4]
- Сәке
- Serjan bratan
- Шекер
- Mystan
 | Өтініш, осы бөлімді толықтырыңыз. |
Қатысты сындар
[өңдеу | қайнарын өңдеу]- Әлеуметтік желілерде тәуелсіз блоггерлер 2018 жылы елді шулатып, бері қаратқан "Salem Social Media"-ның қаптаған жобаларын интернетті монополизациялайтын, жастардың ойын саясаттан алшақтататын жоба деп атады. Олар бұл арқылы Қытайдағы секілді Wechat іспеттес басқарылатын әлеуметтік желі құрылғалы жатыр деп дабыл қақты. Мұның себебі, 2017-2018 жылдары Қазақстанда саяси оқиғалар орын алғанда, Salem Social Media блоггерлері мен вайнерлері, онымен жұмыс жасайтындар саясат туралы мүлде сөз қозғамағандығына назар аударды. Қазақстанның ірі кен руда корпорациясының Salem social media ЖШС-ін тура сайлау алдындағы қарбалас алдында Айжан Байзақованың фейк үйлену тойы секілді қолдан жасалған ойын-сауық видеосын неге қаржыландырғаны сауалдар тудырды.
- Сонымен қатар бұрын мемлекеттік телеарналардың бас менеджері мен биліктік Нұр Отан партиясының баспасөз хатшысы болған Аксютиц Александрдың Salem Social-дың басшылығына отыруы да тәуелсіз блоггерлердің (мысалы жас, тәуелсіз режиссер Кана Бейсекеев, Youtube желісінде Аве Адикус нигіндегі блоггер) күдігін туғызды.
Дереккөздер
[өңдеу | қайнарын өңдеу]- ↑ https://mediaprinciples.kz/tpost/ka57jd6df1-aleksandr-aksyutits-pokidaet-post-glavi Мұрағатталған 5 қарашаның 2021 жылы.
- ↑ https://tribune.kz/salem-social-media-mozhet-byt-prodan-kazahtelekomu/
- ↑ Salem social media енді жоқ па?05.03.2024. https://tribune.kz/ сайты.
- ↑ https://forbes.kz/massmedia/glava_salem_social_media_80_kontenta_myi_delaem_na_kazahskom_yazyike/
Сілтемелер
[өңдеу | қайнарын өңдеу]- Youtube-тің жалаңаш патшасы Аксютиц Александр неге Salem Social Media-ны тұйыққа тіреді? (орыс тіліндегі мақала)
- Salem Social Media басшысы: 80% контентті біз қазақ тілінде жасаймыз Александр Аксютицпен сұхбат (орыс тіліндегі сұхбат)
- YouTube-тің қазақстан нарығында қандай бағдарламалар жетіспейді? (орыс тілінде)
- https://salementertainment.kz/ Ресми сайты
- Salem Social Media кімге және неге керек? (орыс тілінде).
- Youtube