Адамс Жан-Пьер

Жан-Пьер Адамс
Жалпы мағлұмат
Туған күні	10 наурыз 1948 (1948-03-10)
Туған жері	Дакар
Қайтыс болған күні	6 қыркүйек 2021 (2021-09-06) (73 жас)
Азаматтығы	Франция
Бойы	178
Позиция	қорғаушы
Клуб карьерасы 1966—1967 Монтаржи ? (?) 1967—1970 Фонтенбло ? (?) 1970—1973 Ним 84 (8) 1973—1977 Ницца 126 (15) 1977—1979 Пари Сен-Жермен 41 (1) 1979—1980 Мюлуз 11 (1) 1980—1981 Шалон Ұлттық құрамы 1972—1976 Франция 22 (0)

Жан-Пьер Адамс (10 наурыз 1948 жыл, Сенегалда — 6 қыркүйек 2021 жыл, Ним) — орталық қорғаушы болып ойнаған француз экс-футболшысы.

Карьерасы

Жан-Пьер Сенегалда дүниеге келген. Балалық шағында отбасымен бірге Францияға көшіп өтті.

Ницца және ПСЖ футбол командаларында ойнап елге танымал атанған. Франция ұлттық құрама қатарында 1972 жылдан 1976 жылға дейін жиырма екі матчта ойнаған. Футболшыға ота жасау кезінде дәрігер қателігінен Жан-Пьерде қиыншылықтар туды. 1982 жылы 17 наурыздан бері комада жатып, 2021 жылы 6 қыркүйекте өмірден өтті.

Тоқтап қалған өмір

1981 жылы жиі жарақаттана беріп, футбол ойнауды доғарды. 1982 жылы 17 наурызда тізесіне ота жасату үшін Лиондағы клиникаға барады. Ол кезде қалада хирург деген мүлде тапшы, бір мезетте бірнеше адамды операция жасауға тура келеді. Жан-Пьерді емдейтін дәрігер (жанында тәжірибесіз жас көмекшісі бар) оңбай қателесіп, ота шарттарын дұрыс жасамайды. Нәтижесінде футболшының миының біраз бөлігі қайта қалпына келмей қалады да, Жан-Пьер мәңгі қозғалыссыз жатып қалады. Осылайша ол үшін өмір 1982 жылы тоқтап қалды да.

Содан 40 жылға жуық өз үйінде жатты. Жалғыз күтушісі — әйелі Бернадетт Адамс. 38 жыл бойы күйеуінің жанынан бір елі ұзаған емес, күйеуін фотоға немесе видеоға мүлде түсірткен емес.

Бернадетт медицина саласындағы жаңалықтарды үзбей қарап отырды. Бар арманы — күйеуінің ми талшықтарын қалпына келтіре алатын өркениет заманына тез жету болған.

Сіллтемелер

• Өмір мен өлім арасындағы 35 жыл