Шамалған (ауыл)

Шамалған— Алматы облысы Қарасай ауданындағы ауыл, ауылдық округ орталығы. Аудан орталығы Қаскелең қаласынан оңтүстік-батысқа қарай 8 км жерде, Үшқоңыр тауының етегінде, Шамалған өзені бойында орналасқан. Тұрғыны 10,6 мың адам (2006). Іргесі 1910 жылы қаланған. 1961 — 97 жылы көкөніс-сүт өндіретін кеңшардың орталығы болды. Оның негізінде Шамалғанда және округке қарасты Айқым, Еңбекші, Құмарал, Сауыншы,Тасқын және Үштерек ауылдарында 700-ге жуық шаруа қожалығы, ауыл шаруашылығы бағытындағы 8 ЖШС, “Т.Рысқұлов атындағы университеттің биокомбинаты” ЖАҚ-ы, “Қазтеміржол-жабдықтау”, “Достар”, “Селден қорғау” ЖШС-тері орналасқан.

Сілтемелер

• Қаскелең
• Ұзынағаш
• Райымбек