Лидия Демьяновна Чернышева

ЧЕРНЫШЕВА Лидия Демьяновна (23.5.1912, Запорожье обл. Бердянск қ. — 23.9.1975, Симферополь қ.) — хореограф, биші, Қазақ КСР-інің (1957) және КСРО-ның (1967) халық арт. 1929 ж. Ленинград хореогр. уч-щесін бітіргеннен кейін Харьков қ-ндағы музыкалы комедия театрында балет бишісі және хореограф қызметін атқарды. 1936 ж. Черниговтегі тұңғыш ән-би ансамблін ұйымдастыруға ат салысты. 1938 — 39 ж. УКСР-дің Мемл. ән-би ансамблінің режиссер-хореографы, ал 1939 — 41 ж. Донецк филармониясы ән-би ансамблінің көркемдік жағын басқарды. 2-дүниежүз. соғыс жылдары (1941 — 45) Оңт., Закавказье, 1-Украин майданының ән-би ансамбльдеріне басшылық етті. 1955 — 70 ж. Қазақ ән-би ансамблінің директоры әрі көркемдік жетекшісі болып, қазақтың кәсіби хореогр. өнерінің дамуына елеулі үлес қосты. Ол қойған “Алатау бөктерінде”, “Саяхатта”, “Аққу қыздар”, “Су тасушы қыз”, т.б. вокалдық-хореогр. композициялары қазақ би өнерінің жетістігіне айналды. Ленин орденімен және басқа 6 орденмен марапатталған.