Сарымсақты (жота, Оңтүстік Алтай)

Сарымсақты жотасы— Оңт. Алтайдағы таулы жота. Шығыс Қазақстан обл. Қатонқарағай ауд. жерінде орналасқан. Батыстан (Нарын жотасының шығысынан) шығысқа қарай 60 км-ге созылып жатыр. Ең биік жері — Бүркітауыл (3370 м). Мұздықтары бар. С. ж. гранит, тақтатас, құмтастан түзілген. Таулы жотаның солт. беткейінде 2300 — 2400 м биіктікке дейін орман ағаштары; ал солт. беткейінің төм. бөлігінде және оңт. беткейінің альпілік белдеуіне дейін қуаң дала өсімдігі өседі. С. ж. Күршім, Бұқтырма, Нарын өзендерінің суайрығы саналады.