Қорағаты

Қорағаты - 1) Жамбыл облысы Тұрар Рысқұлов ауданындағы ауыл, темір жол станциясы, Қорағаты ауылдық округ құрамында. Аудан орталығы – Құлан ауылынан солтүстік-шығысқа қарай 40 километр жерде. Тұрғыны 0,9 мың адам (2003). Іргесі 1930 жылы Түркістан – Сібір темір жолын салуға байланысты қаланған. Қорағатыда 1997 жылдан шаруа қожалықтары және ЖШС құрылған.
2) Құрағаты – Шу алабындағы өзен. Жамбыл облысы Тұрар Рысқұлов, Мерке, Шу аудандары жерімен ағады. ұзындығы 172 км, су жиналатын алабы 5840 км2. Қорағаты өзені Қырғыз Алатауының солтүстік беткейінен бастау алып, Кеңес ауылы тұсында Шу өзеніне құяды. Аңғары жоғарғы ағысында тар, шатқалды-жарлы келеді, төменгі жағында кең. Жауын-шашын, мұздық суымен толығады. Жылдық орташа су ағымы құяр сағасы тұсында 3,63 м3/с. Суы егін шаруашылығына пайдаланылады.