Атты трамвай

Қазандағы ескерткіш

Атты трамвай — рельспен жүретін қоғамдық көліктің тарихи түрі.

Іштен жану қозғалтқышы және электр қуаты күшімен істейтін көліктердің пайда болуына дейін ірі қалаларда кеңінен қолдынылды.

Алғашқы атты трамвай Уэльсте пайда болды, ол жүк тасымалдау үшін салынған темір жолда пайдаланыла бастады. Ал арнайы жолаушы тасымалы ғана үшін салынған атты трамвай Америка қалаларында пайда болды: Балтиморда 1828 жылы, Нью-Йоркте 1832 жылы, Жаңа Орлеанда 1835 жылы.

Ресейде бұл көлік түрі конка деп аталды, ол алғаш рет Санкт-Петербургте 1860-шы жылдары ашылды және 1917 жылға дейін белсенді болды.

1890 жылға қарай әлемдегі атты трамвай жолдарының ұзындығы келесідей болды:

• АҚШ — 8955,8 шақырым.
• Герман империясы — 1286 шақырым.
• Ресей империясы — 600 шақырымдай.
• Нидерланд — 592 шақырым.
• Франция — 508 шақырым.
• Бельгия — 404 шақырым.
• Ұлыбритания — 343 шақырым.
• Италия — 223 шақырым.
• Австро-Венгрия — 222 шақырым.
• Дания — 61 шақырым.
• Швейцария — 28 шақырым.

Қазір дүниеде XIX ғасырдан бері жұмыс істейтін атты трамвай қызметі тек Мэн аралында сақталған. Басқа жерлерде бұл көлік түрі туристік мақсатта қолданылады.