Барий гидрототығы

Барий гидрототығы - күрделі бейорганикалық қосылыс, күшті сілті. Химиялық формуласы - Ba(OH)₂.

Физикалық қасиеттері

Түссіз кристалдық зат, 78°С температурасында өзінің кристаллогидраттық суында балқиды. Оның судағы ерітіндісі - күшті сілті. Барий гидрототығы жоғары температурада сусызданады. Сусызданған Барий гидрототығы - ромбалық кристалдардан тұратын ақ масса, оның тығыздығы 2,18 г/сm³, балқу температурасы - 780°С, бұдан жоғары температурада Барий тотығына (ВаО) айналады. Барий гидрототығын барий тотығын сөндіру арқылы немесе BaCl₂ мен NаОН ерітінділерін қайнағанша қыздырып алуға болады .

Алуы

1. Барий металының сумен әрекеттенудің нәтижесінде:

${\mathsf {Ba+2\ H_{2}O\longrightarrow \ Ba(OH)_{2}+\ H_{2}\uparrow }}$

2. Барий тотығының сумен әрекеттенудің нәтижесінде:

${\mathsf {BaO+\ H_{2}O\longrightarrow \ Ba(OH)_{2}}}$

3. Барий сульфидінің ыстық сумен әрекеттенудің нәтижесінде:

${\mathsf {BaS+2\ H_{2}O\longrightarrow \ Ba(OH)_{2}+\ H_{2}S\uparrow }}$

Химиялық қасиеттері

1. Бейтараптану реакциясы (қышқылдармен әрекеттескенде - су мен тұздың түзелуі):

${\mathsf {Ba(OH)_{2}+2\ HCl\longrightarrow \ BaCl_{2}+2\ H_{2}O}}$

${\mathsf {Ba(OH)_{2}+\ H_{2}SO_{4}\longrightarrow \ BaSO_{4}\downarrow +2\ H_{2}O}}$

2. Қышқыл тотықтарымен әрекеттенудің нәтижесінде су мен тұздың түзелеуі:

${\mathsf {Ba(OH)_{2}+\ CO_{2}\longrightarrow \ BaCO_{3}\downarrow +\ H_{2}O}}$

${\mathsf {Ba(OH)_{2}+\ SO_{3}\longrightarrow \ BaSO_{4}\downarrow +\ H_{2}O}}$

Қолдануы

SO₄²⁻ және CO₃²⁻ (сульфат- және карбонат-иондарын) айқындау үшін қолданылатын реактив. Өнеркәсіпте: SO₄²⁻ (сульфат-иондардан) өндірілген затты тазалау үшін, сірнеден қантты айыру үшін қолданылады.

Тағы қараңыз

• Барий қосылыстары