Бисара Мәкенова

Бисара Мәкенова (20 қаңтар, 1954 жыл, Шығыс Қазақстан облысы Ақсуат ауданы, Көкжартас ауылы) - әнші.

Өмірбаяны

Әкесі - Ғабдуллин Мәкен, марқұм. Анасы - Ғабдуллина Рахима, марқұм.

• Республикалық эстрадалық-цирк өнері студиясын (1979) «Домбырамен ән айту», эстрада өнерінің әртісі мамандығы бойынша бітірген.
• Қазақ мемлекеттік қыздар педагогика институтының музыка және ән айту факультетін бітірген (1992).
• 1972 жылдың қаңтар айынан - Семей облысының «Ақсуат» кеңшарында құрылыс бөлімінің жүмысшысы.
• 1972 жылдың қараша айынан 1973 жылға дейін - Семей облысының «Көкпекті» кеңшарындағы балабақшаның тәрбиешісі.
• 1974 жылдың ақпан-мамыр айларында - Семей облысы «Көкпекті» кеңшарының жұмысшысы.
• 1974-1977 жылдары - Семей облысы Көкпекті аудандық мәдениет бөлімінің №1 автоклуб меңгерушісі.
• 1979 жылдан бері - Ақмола облыстық филармониясының солист-вокалисі.

Марапаттары мен жетістіктері

• ҚазКСР (1989) және ҚР (2004) Мәдениет министрлігінің құрмет грамоталары.
• ҚР Президентінің (2001) алғысхаты.
• Семей қаласындағы Әйелдер кеңесінің (2003) алғысхаты.
• Семей қалалық Мәдениет басқармасының (2003) алғысхаты.
• Семей қаласындағы Абай атындағы мұражайдың (2004) алғысхаты.
• ҚазКСР Мәдениет министрлігінің II дәрежелі дипломы
• ҚазКСР Мәдениет министрлігінің Құрмет дипломы (1983)
• Қазақтың халық әндерін орындаушылардың Ә. Қашаубаев атындағы I Республикалық конкурсының II сыйлығының лауреаты (1980).
• ҚазКСР Еңбек сіңіргөн әртісі (1990).

Отбасы

• Ұлы - Мәкенов Арман (1993 ж. т.).