Еуропалық инвестиция банкі

Еуропалық инвестиция банкі (ЕИБ) – Еуропа Одағының несие институты. 1993 жылы қарашаға дейін Еуропа экономикалық қоғамдастығының (ЕЭІ) институты болды. ЕЭІ құру туралы 1957 жылы Рим шартына сәйкес 1958 жылы құрылған. Люксембургте орналасқан. ЕИБ-ның Афиныда, Брюссельде, Лондонда, Римде бөлімшелері бар. Банкінің капиталы ЕІ-ға мүше 15 елге тиесілі. Міндеттері: артта қалған елдердің және ЕІ аймақтарының дамуына жәрдемдесу; жекелеген ел толық қаржыландыра алмайтын кәсіпорындарды жаңғыртуға, қайта құруға және салуға ұзақ мерзімді несие беру; жалпы ЕІ-ның мүдделері үшін бірлескен шаруашылық жобаларын іске асыру. Банк көлік пен телекоммуникацияны, энергетиканы дамытуға көмектеседі, қоршаған ортаны қорғау саласындағы жобаларды қаржыландырады, шағын кәсіпорындарға несие береді.