Карула ұлттық саябағы
| Карула ұлттық саябағы эст. Karula rahvuspark | |
 | |
| Эхиярв көлі | |
| ХТҚО санаты — II (Ұлттық парк) | |
| Жалпы мағлұмат | |
|---|---|
| Ауданы | 123 км² |
| Құрылған уақыты | 1979 |
| Орналасуы | |
| 57°42′37″ с. е. 26°30′11″ ш. б. / 57.7103° с. е. 26.5031° ш. б. (G) (O) (Я)Координаттар: 57°42′37″ с. е. 26°30′11″ ш. б. / 57.7103° с. е. 26.5031° ш. б. (G) (O) (Я) | |
| Ел |  Эстония |
| Ең жақын қала | Антсла |
 Карула ұлттық саябағы Ортаққорда | |
Карула ұлттық саябағы — Эстониядағы ұлттық саябақ, Вирумаа және Валгамаа уездерінде орналасқан. Ұлттық саябақ Оңтүстік Эстонияға тән ормандар мен көлдерге бай таулы ландшафттарды қорғау, сонымен қатар жергілікті мәдениетті қорғау үшін құрылған.[1]
Сипаттама[өңдеу | қайнарын өңдеу]
Карула Эстонияның оңтүстігіндегі ұлттық парк, ол 1979 жылы қорғалатын аумақ ретінде құрылып, 1993 жылы ұлттық паркке айналды. Саябақ аумағында халық аз қоныстанған, өйткені оның 70% көлдер мен ормандар. Мұнда көптеген төбелер бар. Каруланың ең биік нүктесі - Торнимяги тауы. Карула ұлттық саябағы Еуропалық Natura 2000 желісіне кіреді.
Карула тауының ерекше және әдемі жер бедері 10 000 жылдан астам уақыт бұрын континенттік мұздың әрекеті нәтижесінде қалыптасқан. Материктік мұздық ерігеннен кейін Карулдың солтүстік бөлігінде негізінен дөңгелек кесінді – өрістермен, шабындықтармен немесе орманмен жабылған күмбездер қалған.
Карула сөзі ескі атау, ол, «каруне», яғни «карм» (ауыр) сөзінен шыққан. Бұл сөз жергілікті өңдеуге және жетуге қиын орманды төбелерді сипаттайды. Ұлттық саябақтың мақсаты - Оңтүстік Эстонияға тән ормандар мен көлдерге бай күмбезді ландшафттардағы табиғатты, қорғалатын түрлерді және мәдени мұраны сақтауды қамтамасыз ету.[2][3]
Табиғаты[өңдеу | қайнарын өңдеу]
Орман саябақ аумағының 70%-дан астамын алып жатыр. Шашыраңқы егістік, шабындық, тоғай, көлдермен алмасып отырады.[4] Қорық аумағында 38 көл бар. Олар материк мұзы тартылған кезде Карула төбелерінің жанында пайда болды. Каруланың ландшафты лайлы түбі бар көлдер көптеген өсімдіктердің өсуіне қолайлы орын болып табылады.[5]
Қорықтағы ең терең көл Савиярв көлі болып саналады, оның тереңдігі 18 метрге жетеді. Ал ең үлкен көл - Эхиярв көлі.
Қорықтың фаунасында сүтқоректілерге қарағанда құстар көбірек кездеседі. Мұнда құстардың 157-ден астам түрі бар. Жануарлардан жабайы аю, бұлан, елік, сілеусін, сонымен қатар түлкі, тиін, құндыз, күзендер кездеседі.[6]
Туристік қызмет[өңдеу | қайнарын өңдеу]
Эстонияның Карула ұлттық саябағында белсенді туризм, демалыс үшін қажет нәрсенің бәрі бар. Мұнда әртүрлі ұзындықтағы велосипед жолдары, жаяу серуендеу жолдары жабдықталған. Аяқ жол ұзындығы 36 км. Бұл жол ақпараттық қалқандармен жабдықталған айналма жол. Сондай-ақ, 7 км ландшафты зерттеу соқпақ жолдары бар. Соқпақ 16 ақпараттық тақтамен жабдықталған. Жолдың басында автотұрақ бар.
Қорықта биіктігі 30 м болатын Ребаземиза деп аталатын шолу алаңы, бақылау мұнарасы бар. Сонымен қатар, Карула қорығында балалар соқпағы бар. Оның ұзындығы 500 м. Балалар жолында 7 аттракцион, 10 ақпараттық тақта, ойындар мен іс-шараларға арналған 9 тақырыптық нысан бар.[7]
Дереккөздер[өңдеу | қайнарын өңдеу]
- ↑ Национальный парк Карула Природоохранная территория https://opentripmap.com/ru/card/Q1751660#15/57.7144/26.4867
- ↑ Национальный парк Карула https://frpedia.wiki/ru/Parc_national_de_Karula Мұрағатталған 20 мамырдың 2023 жылы.
- ↑ Национальный парк Карула https://kaitsealad.ee/ru/zapovedniki/nacionalnyy-park-karula
- ↑ Карулаский национальный парк https://loodusegakoos.ee/kuda-poiti/nacionalnqe-parki/nacionalnqj-park-karula
- ↑ Национальный парк Карула https://www.visitvoru.ee/natsionalnyy-park-karula
- ↑ Национальный парк Карула https://discoveric.ru/mesta/estoniya/estoniya/nacionalnyy-park-karula
- ↑ НАЦИОНАЛЬНЫЙ ЭСТОНСКИЙ ПАРК КАРУЛА https://buymerovka.net/pablic/parki/nacionalnyj-estonskij-park-karula.html Мұрағатталған 20 мамырдың 2023 жылы.