Кенжегүл Жолдыбаев

Кенжегүл Жолдыбаев (17.4.1929 жылы туған, Қызылорда облысы Шиелі ауданы Н.Бекежанов атындағы ауылы) – ұстаз. Қазақ КСР Жоғарғы Кеңесінің депутаты (1975). Қазіргі әл-Фараби атындағы Қазақ ұлттық университетін бітірген (1951). Алматы қаласындағы Ы.Алтынсарин атындағы педтехникумда (1951 – 54), Түркістан облысы Сайрам ауданы Орджоникидзе атындағы орта мектепте, (1954 – 56), Қазығұрт ауданы Алтынсарин орта мектебінде мұғалім (1970), Рабат ауылы орта мектебінің директоры (1985). Қазақ КСР Халық ағарту ісінің үздігі (1964). Еңбек Қызыл Ту орденімен, (1974), «Еңбектегі ерлігі үшін», «Еңбек ардагері» медальдарымен марапатталған. Қазығұрт ауданының құрметті азаматы.