Мейрам Ахмедиянұлы Смағұлов

Мейрам Ахмедиянұлы Смағұлов 1962 жылы 23 сәуірде Жезқазған облысы Ақсу-Аюлы ауылында туған. Қазақ. Арғын тайпасының Қаракесек руының Қырғыз бөлімінен шыққан. Қарағанды политехникалық институтын (1984) инженер- құрылысшы мамандығы бойынша; Алматы экономика және статистика академиясын (2005) экономист мамандығы бойынша бітірген. Қазақ және орыс тілдерін біледі. 1979 жылдан - Қарағанды политехникалық институтының студенті. 1984 жылдан - «Қарағандытұрғынүйқұрылыс» тресі №1 құрылыс басқармасының шөбері, аға жұмыстар атқарушысы, жұмыстар атқарушысы (Саран қаласы). 1992 жылдан - Саран қалалық әкімшілігі бас сәулетшісінің м.а., бас сәулетшісі. 1995 жылдан - Саран қалалық әкімшілігі басшысының бірінші орынбасары. 1996 жылдан - Қарағанды облысы Саран қаласы әкімінің бірінші орынбасары, 1997 жылдан - орынбасары, 1999 жылдан - бірініші орынбасары, 2000 жылдан - орынбасары. 2003 жылдан - Қарағанды облысы Саран қаласы әкімі. 2009 жылдың сәуірінен бері - Қарағанды облысы құрылыс басқармасының бастығы. «Ерен еңбегі үшін» медалімен марапатталған. Үйленген. 2 баласы бар.