Ош әуежайы
| Ош Халықаралық Əуежайы | |||
|---|---|---|---|
| |||
| IATA: OSS – ICAO: UCFO | |||
| Қысқаша мәлімет | |||
| Әуежай түрі | Қоғамдық | ||
| Операторы | "Манас халықаралық әуежайы" ААҚ ОШ филиалы | ||
| Орналасқан орны | Ош қаласынан 9 км | ||
| Теңіз деңгейінен биіктігі | {{{elevation-f}}} ф / 892 м | ||
| Ұшып-қону жолақтары | |||
| Жолақ бағыты | Ұзындығы | Айдыны | |
| фут | м | ||
| 12/30 | 2814х45 | Асфальт, Бетон | |
| Статистикасы | |||
| жолаушылар | 1 346 471 адам (2018) | ||
Ош әуежайы (Osh Airport) — Қырғызстанның Ош қаласындағы Халықаралық әуежай.[1]
Сипаттама
[өңдеу | қайнарын өңдеу]Ош әуежайы - Ферғана алқабындағы ең ірі әуежайлардың бірі, «Манас» халықаралық әуежайына жатады. Ол Қырғызстанның оңтүстігіндегі Ош қаласынан солтүстікке қарай тоғыз шақырым жерде орналасқан. Ош әуежайының басты мақсаты - Қырғызстанның осы
аймағының әуе тасымалына қажеттіліктерін қанағаттандыру. Әуежай «4D» (ICAO) және «B» (IAC) класына жатады. Ош әуежайы тәулік бойы жұмыс істейді, қажет болған жағдайда ұшақтарды ілесіп жүру машинасының көмегімен қонуға орналастыру жүзеге асырылады.
Әуежай 1974 жылдан жұмыс істей бастады, 1992 жылы халықаралық сектор пайдалануға берілді. Елдің көлік инфрақұрылымындағы әуежайдың маңыздылығына байланысты билік оны модернизациялауға шешім қабылдады. Әуежайды қайта жаңғырту жұмыстары 2011 жылы басталды. Жаңа жүк және жолаушылар терминалын салу, ұшу-қону жолақтарын жарықтандыру, ұшу-қону жолағының жабынын ауыстыру жұмыстары жүргізілді.[2] 2016 жылғы мәліметтер бойынша әуежайдың жолаушылар ағыны 1 210 572 адамды құрады, төрт жыл бұрын жолаушылар 33% -ға аз болған. Ош барған сайын танымал бола бастауда, қазір ол елдегі жолаушылар ағыны жөнінен екінші орында. Әуежай барлық типтегі әуе кемелерін қабылдауға мүмкіндігі бар. Ош халықаралық әуежайы жергілікті және халықаралық авиакомпаниялардың әуе кемелерімен жердегі қатынасты, тұрақты және чартерлік рейстердің кестесін құруды қамтамасыз етеді, сонымен қатар коммерциялық авиациялық емес қызметтерді ұсынады.
Терминал
[өңдеу | қайнарын өңдеу]Ош әуежайында екі терминал жұмыс істейді – жүк және жолаушылар терминалы. Қайта құру барысында терминал 660 шаршы метрге кеңейтілді. Өткізу қабілеті 150 адамға, 450-ден 600-ге дейін өсті. Халықаралық терминал 1992 жылы жұмыс істей бастады.[3]
Әуе компаниялары, ұшу бағыттары
[өңдеу | қайнарын өңдеу]
Қазіргі уақытта "Ош" халықаралық әуежайына 3 отандық және 4 шетелдік 7 авиакомпания тұрақты рейстерді орындайды. Әуежай арқылы «Эйр Манас», «Авиа Траффик Компани», «Тез Джет», «Аэрофлот», «Қазақ Эйр», «S7», «Уральские авиалинии» әуе компанияларының ішкі және халықаралық рейстері орындалады. Тасымалдау бағыттары ТМД, Азия және Таяу Шығыс елдерін қамтиды.[4] Әуежай жаңа перспективалы бағыттарды ашу, сондай-ақ қолданыстағы бағыттарда ұшу жиілігін арттыру арқылы халықаралық және ішкі бағыттардағы жолаушылар тасымалы динамикасын арттыруда. Халықаралық бағыттар бойынша "Ош" әуежайының жолаушылар рейстерінің тізімі: - Алматы, Екатеринбург, Иркутск, Қазан, Красноярск, Мәскеу, Нижневартовск, Новосибирск, Самара, Санкт-Петербург, Сургут.
Ош әуежайынан ішкі бағыттар бойынша жолаушылар рейстерінің тізімі: - Бішкек, Тамшы.[5]
Дереккөздер
[өңдеу | қайнарын өңдеу]- ↑ https://aviateka.su/all-airports/kyrgyzstan-ap/aeroport-osh/ ОШ аэропорт
- ↑ https://avia.pro/blog/aeroport-osh Аэропорт Ош (Osh Airport).
- ↑ https://osh.aeroport.website/ Международный аэропорт Ош
- ↑ http://www.airport.kg/osh/about-airport/information-about-airport ИНФОРМАЦИЯ ОБ АЭРОПОРТЕ «ОШ»
- ↑ http://www.airport.kg/osh/about-airport/flight-map-airport ГЕОГРАФИЯ ПОЛЕТОВ АЭРОПОРТА «ОШ»