Сеңгір таулары
| Сеңгір таулары | |
 | |
| Сипаттамасы | |
|---|---|
| Тау жүйесі | |
| Пайда болған кезеңі | |
| Ұзындығы |
3200 км |
| Ені |
700 км |
| Ең биік шыңы | |
| Биіктігі |
4399 м |
| Орналасуы | |
|
42°23′ с. е. 115°56′ б. б. / 42.383° с. е. 115.933° б. б. (G) (O) (Я)Координаттар: 42°23′ с. е. 115°56′ б. б. / 42.383° с. е. 115.933° б. б. (G) (O) (Я) | |
| Елдер | |
|
| |
Сеңгір таулары (ағылш. Rocky Mountaіns) — Солтүстік Американың батысындағы (Канада және АҚШ жерінде) тау жүйесі. Солтүстік-батыстан оңтүстік-шығысқа қарай 3200 км-ге созылған, ені 700 км-дей. Солтүстік Америкадағы Кордильераның шығыс бөлігін құрайды.
Жер бедері
[өңдеу | қайнарын өңдеу]Көптеген шыңдарының биіктігі 3500 м-ден (Колумбия тауы, 3747 м; Робсон, 3954 м) асады. Ең биік жері — Элберт тауы (4399 м). Тынық және Атлант мұхиттары алабының суайырығын құрайды. Сеңгір таулардан Миссури, Колорадо, Рио-Гранде, Снейк, Арканзас, т.б. өзендері басталады.
Геологиялық құрылымы, пайдалы қазбалары
[өңдеу | қайнарын өңдеу]Сеңгір таулар Ларамий қатпарлығы кезеңінде (бордың аяғы — палеоген) қалыптасып, кейіннен жаңа көтерілімге ұшыраған. Молибден, мыс, алтын, күміс, полиметалл, мұнай, тас көмір кендері шоғырланған. Гейзерлер мен термалды бұлақтар бар.
Өсімдігі
[өңдеу | қайнарын өңдеу]Солтүстік беткейлерінде тайгалық орман, оңтүстігінде қарағайлы орман басым. Ормандардың жоғарғы шекарасының биіктігі 1500 м-ден (солтүстік) 3600 м-ге (оңтүстік) дейін, одан жоғары — альпі шалғыны мен мәңгі қар, мұз тараған. Аңғарлары — дала мен шөлейт. Ірі ұлттық саябақтары: Джаспер, Банф, Йохо (Канадада), Йеллоустон, Роки-Маунтин (АҚШ-та).