Теміржан Төлеубаев

Теміржан Төлеубаев - 1952 жылы 4 сәуірде Ақмола облысы Қима ауданының «Есіл» кеңшарында туған. Қазақ. Әкесі – Садырбеков Төлеубай (1905-1987). Анасы - Садырбекова Мағрипа (1917-1989). Целиноград ауылшаруашылық институты Қостанай филиалының агрономия факультетін (1976) ғалым-агроном мамандығы бойынша; Қостанай әлеуметтік академиясының заң факультетін (2002) заңгер мамандығы бойынша; М. Дулатов атындағы Қостанай инженерлік-экономикалық университетінің мал шаруашылығындағы өндіріс технологиясы факультетін (2005) инженер-технолог мамандығы бойынша бітірген. Ауылшаруашылық ғылымдарының кандидаты (2007). Кандидаттық диссертациясының тақырыбы: «Қазақ ақбасты малы мен «димузин» шарале тұқымын будандастыру жолымен ет өнімділігін арттыру». Қазақ және орыс тілдерін біледі. «Нұр Отан» ХДП мүшесі (2004 жылдан).

• 1969 жылдан - Целиноград облысы Жақсы ауданының Есіл ОМ интернат тәрбиешісі.
• 1970 жылдан – Целиноград ауылшаруашылық институтының дайындық курсының тыңдаушысы, 1971 жылдан - институт студенті.
• 1976 жылдан - Торғай облысы Қима ауданы «Есіл» кеңшарының бөлімше агрономы.
• 1977 жылдың қаңтарынан - Торғай облысы Қима ауданы бойынша ауылшаруашылық өнімдерін сатып алу және олардың сапасы жөніндегі мөмлекеттік инспектор.
• 1977 жылдың наурызынан - Торғай облысы Қима ауданы «Кеңарал» кеңшарының бас агрономы, 1980 жылдан - кеңшар партия комитетінің хатшысы.
• 1982 жылдан - Торғай облысы Қима аудандық Ауыл шаруашылығы басқармасының бас агрономы.
• 1985 жылдан - Торғай облысы Арқалық ауданының A.M. Матросов атындағы кеңшар директоры.
• 1989 жылдан - Қостанай облысы Арқалық аудандық агроөнеркәсіптік бірлестігінің төрағасы.
• 1990 жылдан - Торғай облысы Арқалық аудандық Халық депутаттары кеңесінің атқару комитетінің төрағасы.
• 1992 жылдан - Торғай облысы Амантоғай аудандық әкімшілігінің басшысы.
• 1994 жылдан - «Сервис орталығы» АҚ бас директорының орынбасары (Қостанай қаласы).
• 1995 жылдан - «Аракс» ЖТАҚ бас директоры (Қостанай қаласы).
• 1999 жылдан - Қостанай облысы Жeтіғара ауданының әкімі.
• 2001 жылдан - Қостанай облыстық Ауыл шаруашылық және азық-түлік департаментінің директоры.
• 2003 жылдан - Қостанай облысы Алтынсарин ауданының әкімі.
• 2004 жылдан - Қостанай облысы әкімінің орынбасары.
• 2006 жылдан - Қостанай облыстық мәслихатының хатшысы.
• 2007 жылдан - «Интеграция Целина» ЖШС бас директоры.
• 2009 жылдан бері - Арқалық қаласының әкімі. Қостанай облыстық мәслихатының 3-ші (2006), 4-ші (2007) шақырылым депутаты.