Тәңірберген Ыбырайұлы Хажиев

Тәңірберген Ыбырайұлы Хажиев
Жалпы мағлұмат
Туған күні	15 қазан 1950 (1950-10-15)
Туған жері	Жеңдік ауылы, Ескелді ауданы, Алматы облысы
Қайтыс болған күні	6 қараша 2015 (2015-11-06) (65 жас)
Азаматтығы	КСРО  Қазақстан
Мамандығы	кинопродюсер
Белсенді жылдары	1976-2015
Марапаттары	Қазақстанның еңбек сіңірген қайраткері

Тәңірберген Ыбырайұлы Хажиев (15 қазан 1950; Жеңдік ауылы, Ескелді ауданы, Алматы облысы — 6 қараша 2015) - кеңестік және қазақстандық кинопродюсер, Шәкен Айманов атындағы «Қазақфильм» киностудиясының бас директоры, Қазақстан кинематографистер одағының мүшесі (1998). Доцент (2006).

Өмірбаяны

1950 жылы 15 қазанда Жеңдік ауылы, Талдықорған ауданы, Талдықорған облысында (қазіргі Ескелді ауданы, Алматы облысы) дүниеге келді.

Алматы халық шаруашылық институтының экономика-жоспарлау факультетін бітіргөн (1976), халық шаруашылығын жоспарлау жөніндегі экономист. Экономика ғылымдарының кандидаты (2002). Кандидаттық диссертациясының тақырыбы: «Нарықтық қатынастар жағдайындағы меншіктің жаңа нысандарының тиімді қызмет ету механизмі». 2 мақаланың, «Кинотелеөндіріс экономикасы» кітапшасының авторы.

Оқуды бітіргеннен кейін «Қазақфильм» киностудиясына жұмысқа жіберілді, онда ол көптеген жылдар бойы келесі қызметтерде жұмыс істеді: филімдер директорының орынбасары (1976-1978); содан кейін филімдердің директоры (1978−1987), директордың бірінші орынбасары, Ш. Айманов ат. «Қазақфильм» атындағы киностудиясының бас директоры, жоғары санаттағы көркем филімдердің директоры (1987−1996), шығармашылық-өндірістік бөлім басшысының орынбасары және «Қазақстан Республикасы Президентінің Телерадиокешенінің» деректі филімдерінің директоры (1997−2000) болып жұмыс істеді.

Ол 20-дан астам толықметражды көркем филімінің жасауында (директордың орынбасары, филімдердің директоры) тікелей қатысқан: екі бөлімнен тұратын «Қан мен тер» таспасы, төрт бөлімнен тұратын «Аңызға айналған Шоқан» филімі.

Ол Қазақстандағы киноиндустрияға өндірістік негізді енгізу бастамашыларының бірі.

1986 жылғы Желтоқсан оқиғасына арналған «Аллажар» көркем-публицистикалық филіміне продюсерлік етті; «Барлығы Голгофқа шығады» телефилімі (8 серия), көркем филімдер: «Күнә», «Махамбет», «Әкем екеуміз», «Біржан сал», «Жерұйық», «Дәмелі».

Ол Т.Жүргенов атындағы Ұлттық өнер академиясында оқытушылықпен айналысты.

Лос-Анджелес, Канн қаласында өткен халықаралық кинофорумдарға қатысқан.

Жеке өмірі

Әкесі - Хажиев Ыбырай Омарұлы, марқұм, мұғалім болып жұмыс істеген. Анасы - Хажиева Ақыл Бекшетайқызы, зейнеткер.

Үйленген. Жұбайы - Хажиева Құрманай (1950 жылы туған), зейнеткер. Ұлдары - Хажиев Нұрлан (1978 жылы туған), Хажиев Асқар (1982 жылы туған).