Чиатура марганец кені
Чиатура марганец кені - Грузияның Чиатура қаласы маңындағы марганецтің шөгінді кені.
Төменнен жоғары қарай кеннің геологиялық қимасын юралық тау жыныстары, жоғарыда бордың әктастары, олигоценнің спонголитті, құмды, құмды-сазды шөгінділері, миоцен трансгрессиясының тау жыныстары құрайды. Марганецті горизонт олигоценнің құмды, құмды-сазды шөгінділерінің табанында орналасқан. Кентасты қабаттың қалындығы 2-5 м. Мұнда қалындығы 10-80 см келген сеппелі, олиттік кентастардың 3-15 қабатшасы бар. Солтүстік-шығыс, шығыс бағыттарда кентасты горизонттардағы марганец мөлшері азаяды, біртіндеп карбонатты кентастарға ауысады. Кентас құрамы кеннің оңтүстік-батысында циролюзит-псиломеланды, орталығында магнитті. Оолиттік кентастарда 10-35% Mn, 1-1.5% Fe бар. Жуу, тұндыру арқылы байытылған концентратта 45-50% Mn, 0,15% Р болады. Родонит, манганокальцит құрамды кентастардағы Mn өлшемі10-22%. Магнитті, карбонатты кентастар есесінен тотыққан кендер түзіледі[1][2].
Чиатура марганец кенінің кентастары Дзируль гранит интрузиясы мен мезозойдың жанартаутекті тау жыныстарының үгілу қыртысынан әкелінген марганец қосылыстарының теңіз түбінде тұнып ұюынан, кейін диагенез процесіне шалынуынан қалыптасқан[3].
Дереккөздер[өңдеу | қайнарын өңдеу]
- ↑ Manganese Mines and Deposits of Georgia. IFSD Europe. Тексерілді, 18 сәуір 2013.
- ↑ USGS Minerals Yearbook / The mineral industry of Georgia — National Research Council (U.S.), 2007. — P. 334.
- ↑ Қазақстан ұлттық энциклопедия. 9 том. Алматы, 2007