Шахзода

Шахзода Шахзода
Негізгі ақпарат
Толық аты	Мұсаева Зилола Баходирқызы
Туған күні	28 шілде 1979 (1979-07-28) (44 жас)
Туған жері	Ферғана, Өзбекстан
Белсенділік жылдары	1998 - қазіргі уақыт
Мемлекет	Өзбекстан
Мамандығы	әнші
Жанрлары	поп, поп-фолк
Ұжымы	Жоним
Марапаттары	Шухрат медалі
shahzoda.uz
Аудио, сурет, видео Ортаққорда

Шахзода (шын аты Мұсаева Зилола Баходирқызы; өзб. Shahzoda, Zilola Bahodirovna Musayeva; 28 шілде 1979) — қазіргі замандағы өзбек поп әншісі, Өзбекфильм түсіретін кино әртісі.

Биографиясы

1979 жылдың 28 шілдесінде Ферғана қаласында дүниеге келген. Әкесі Баходир Мұсаев — философия ғылымдарының докторы, анасы Мирихта Мұсаева — тілтанушы (орыс тілі мен орыс әдебиетінің мұғалімі).

1979 мен 1987 жылдар арасында Зилоланың отбасы іс бойынша Мәскеуде тұрған. 1987 жылы Ташкентке көшіп келді. Жеті жастан бастап Зилола Өзбекстанның астанасында тұрады. Ташкенттің нөмір 80-інші мектебінде бесінші сыныпқа дейін оқыған. Кейін нөмір 307-інші гимназияға ауыстырды. 1997 жылында жоғары бағалармен гимназияны бітірді.

1999 жылы Украинаның астанасында Kиев Мемлекеттік Университетіне оқуға түсті, бірақ музыка үстін алып, Зилола оқуын тастап, музыкамен тығыз айналысуға кетті. Сол кезде аранжировщик пен композитор (сазгер) Вагиф Закиров арқасында Зилола мен оның мектептен досы болған Нателла «Жоним» (жаным) деген тобын құрастырады. Екі айдан кейін «O‘tib ketadi» деген альбомы шығады. «Qarama qo‘zlarimga» деген клип түсіріледі

2001 жылынан бастап, Шахзода атымен жеке өзі сахнада ән айтады. «Тарона Рекордс» компаниясымен жұмыс істейді.

4 альбомын шығарды. Олар «Бор экан», «Бахт булади», «Керагимсан», «Бахтлиман». Көп таралыммен шыққан. Қазір бесінші альбомның шығаруда. Шахзода негізінде өзбек және орыс тілдердінде ән айтады. Тәжік тілінде қазіргі таңда екі ән бар - "Ману таңхо" және "Нағз мебинам". Қазақ тілінде «Арман» атты ән айтып, бейнеклип түсірген. Алматыға арналған «Огни Алматы» әндері бар.

Фильмография

• "Tohir va Zuhra: yangi talqinda" (Zuhra) (2000)
• "Sevinch" (Nargiza) (2004)
• "Xavfli burilish" (Shahzoda) (2004)
• "Sarvinoz" (Sarvinoz) (2004)
• "Voy dod sumalak" (Zilola) (2006)
• "Fotima va Zuhra" (Zuhra) (2006)
• "Zumrad va Qimmat" (Zumrad) (2007)
• "Majruh" (Sevara) (2010)
• "Nafs" (Shahzoda, Ulug'bek Qodirov) (2011)
• "O Maryam, Maryam" (Maryam) (2012)

Марапаттары

• 2003 жылы «Жылдың имиджі» және «Жылдың ең үздік әншісі» номинациясында жеңіскері болды.
• 2004 жылы «Жылдың альбомы»номинациясында жеңді.
• 2005 жылы «Жылдың әні» номинациясында жеңді(«Керагимсан» әні).

Отбасы

Анасы Мирихта Мұсаева – филолог (орыс тілі мен әдебиеті пәнінің мұғалімі).

Әкесі Баходир Мұсаев философия ғылымдарының докторы.

Ағасы Еркін Мұсаев – кәсіпкер.

Оның жұбайы Равшанбек Жұманазарұлы Юлдашев - Tarona Records компаниясының негізін қалаушы және директоры.

Оның ұлдары Халид пен Салих Юлдашевтар.