Шахмет Құсайынов атындағы Ақмола облысының қазақ музыкалық-драмалық театры
| Шахмет Құсайынов атындағы Ақмола облысының қазақ музыкалық драмалық театры | |
|---|---|
| |
| Орналасуы |  Қазақстан
|
| Негізделгені | 1996 |
| Директоры | Мұратбек Оспанов |
| Көркемдік жетекшісі | Қайрат Мырзаболатов |
| Марапаттары | * 2011 жыл - "Классиканы жоғары дәрежеде сахналағаны үшін" аталымын және "Ника Боспорская" мүсіншесін жеңіп алды;
|
Шахмет Құсайынов атындағы Ақмола облысының қазақ музыкалық-драмалық театры – Көкшетау қаласындағы мәдени ұйымдардың бірі.
Театр тарихы[өңдеу | қайнарын өңдеу]
Театр 1996 жылы 6 наурыз күні Ғабит Мүсіреповтың «Ақан сері - Ақтоқты» спектаклімен шымылдығын ашқан болатын (Қоюшы режиссері – Қазақстанның еңбек сіңірген қайраткері Жақып Омаров). Театрды ашуға Алматыдағы Т.Жүргенов атындағы өнер академиясының бір топ жас түлектерін бастап әкеліп, ұжымға алғашқы басшы болған Қазақстанның еңбек сіңірген қайраткері Мұратбек Үкібайұлы Оспановтың еңбегін айта кеткен орынды. Ақмола облысының қазақ музыкалық-драмалық театры Солтүстік Қазақстан облысының тумасы, драматург Шахмет Құсайынұлы Құсайыновтың есімімен аталған болатын.
Жетістіктері мен жаңалықтары[өңдеу | қайнарын өңдеу]
- 2001 жылы қыркүйек айында Мысырда өткен («Конвейер» реж. Г.Мерғалиева) әлемдік театр фестивалінен 5 жүлденің біреуін иеленіп, абыроймен оралған труппа өз шеберліктерін шыңдап аяғына нық тұрды.
- 2004 жылы театрға облыстық бюджет есебінен жаңа ғимарат салынды. Осы жылы әйгілі қаламгер Сәкен сері Жүнісовтің мерейтойына орай Аймақтық театр фестивалі ұйымдастырылып, жоғары дәрежеде өтті. Театр ұжымы 2 жүлделі орынға ие болды. «Ең үздік сценография үшін» номинациясын театрдың бас суретшісі ҚР Мемлекеттік сыйлығының лауреаты Мұрат Мақсұт иеленсе, «Ең үздік режиссура» номинациясын ҚР еңбек сіңірген қайраткері Мұратбек Оспанов иеленді.
- 2006 жылдың наурыз айының 6-шы жұлдызында театрдың 10 жылдығы аталып өтті. Осыған орай театрдың алдыңғы лек актерлері Ж.Қалдаров, Т.Қонбай, Ж.Құсайынова, Қ.Қалқатаев, А.Жүнісова, Қ.Мырзаболатовтарға Қазақстан Республикасының Мәдениет қайраткері белгісі берілді. Театрда Қазақстанның Халық әртісі Бағысова Жібек Есекеқызы бастаған 34 актер қызмет етуде.
- 2007 жылы мамыр айының 14-18-ші жұлдыздары аралығында Шахмет Құсайыновтың 100 жылдығына орай Көкшетау қаласында Аймақтық фестиваль ұйымдастырылып, оған республиканың солтүстігі мен орталық аймақтарынан 8 театр қатысты.
- Бүгінде театр репертуарында 106 қойылым бар. Олардың ішіндегі классикалық қойылымдардан У.Шекспир «Король Лир», Ш.Айтматов «Ғасырдан да ұзақ күн», С.Жүнісов «Абылай», А.Камю «Калигула», драмалық қойылымдардан Ә.Оразбеков «Бір түп алма ағашы», О.Бөкей «Атау кере», комедиялық қойылымдардан О.Бодықов «Үйленгім келмейді», С.Ахмад «Келіндер көтерілісі», Б.Әлімжанов «Құдалық» спектакльдерін атап өтуге болады.
- 2007 жылы театр ұжымы гастрольдік сапармен Қытай Халық Республикасында болып, Іле қазақ автономиялық облысының 4 ауданы мен Құлжа қаласында өнер көрсетті.
- 2011 жылы Мәскеудегі Театр Одақтарының Халықаралық Конфедерациясының (МКТС) «ТМД және Балтық елдері жас театр қайраткерлерінің байқауы» аясында Қазақстан театрлары жас режиссерларының жұмыстары ішінен 2 қойылым таңдап алынып, соның бірі театр репертуарындағы С.Раевтың «О, Қыздар!» драмасы (реж.Ф.Қанафин) мамыр айында Көкшетау қаласында Мәскеу қаласынан келген белді сахна мамандарынан құралған эксперттік комиссияға көрсетілді.
- 2011 жылы Украина елінің Қырым автономиялық республикасында өткен Антикалық өнердің ХІІІ «Боспорские агоны» Халықаралық театр фестиваліне А.Камюдің «Калигула» тарихи трагедиясымен (реж.Қ.Қасымов) қатысып, «Классиканы жоғары дәрежеде сахналағаны үшін» номинациясын және «Ника Боспорская» статуэткасын жеңіп алды. Мәскеулік және Украинаның беделді сахна шеберлері мен сыншылары тарапынан жоғары бағаға ие болған Шахмет Құсайынов атындағы Ақмола облыстық қазақ музыкалық-драма театры Тәуелсіздік алғалы бері қазақ елі атынан, Азия, мұсылман елдері арасынан тұңғыш қатысқан театр болды.
- Бұл маусымның тағы бір жаңалығы мамыр айында облысқа белгілі тәжірибелі басқарушы, өнер жанашыры Марал Қажыкенқызы Джакупова ханымның театр басшысы болып тағайындалуы.
- Театр 2012 жылы қазан айында Қостанай қаласында өткен І.Омаровтың 100 жылдығына арналған Республикалық театрлар фестиваліне А.Камюдің «Калигула» қойылымымен қатысып, Гран-При жүлдесіне ие болды.
- Театр актеры Елтай Мұстанов 2012 жылдың қараша айында Қарағанды қаласында өткен Оперетта орындаушыларының І Халықаралық Досstar конкурсына қатысып, жүлделі бірінші орынды жеңіп алды.
- 2013 жылы театр ұжымы Ресейдің Татарстан елі Қазан қаласында өткен «Ремесло+» жас режиссерлардың халықаралық театр фестиваліне И.Лаузундтың «Офис» қойлымымен (режиссері Ф.Қанафин) қатысып, дипломант атағына ие болды.
- 2014 жылдың қыркүйек айының 19 жұлдызында театр ұжымы СҚО мен Ақмола облысының өңірлік өзара алмасу гастроліне сай балаларға арналған Э.Стэнтонның «Ойыншықтар оқиғасы» ертегісімен Петропавл қаласында болып қайтты.
- 2015 жылдың 19-24 қараша аралығында Шахмет Құсайынов атындағы облыстық қазақ музыкалық драма театры Беларусь елінің Минск қаласында өткен ТМД, Балтық және Грузия мемлекеттерінің Жас театр қайраткерлерінің II Халықаралық театр форумына режиссер Болат Абдрахманов сахналаған Т.Уильямстің «Құштарлық» трамвайы» қойылымымен қатысып қайтты.
- 2016 жылдың мамыр айында театр ұжымы Ақтөбе қаласында Қазақстан Республикасы Тәуелсіздігінің 25 жылдығына арналған «Айтқыштар Ақтөбеде» VII Республикалық әзіл-ысқақ фестиваліне қатысып, актерлер Төлеубек Көңбай және Бағлан Иманғазинов 2 орынға ие болды. Сонымен қатар актер Төлеубек Көңбай «Үздік актер» номинациясында жеңімпаз атанды. Бұл жылдың басты жаңалығы Қазақстанның еңбек сіңірген қайраткері Мұратбек Үкібайұлы Оспанов театр басшысы болып қайта тағайындалды.
- 2017 жылдың сәуір айында театр ұжымы Ақтөбеде өткізілген «ЭКСПО-2017» Халықаралық мамандандырылған көрмесі аясында өткен Қазақстан драма театрларының II – Республикалық «Балауса» эскперименталды қойылымдар фестиваліне қатысып эксперименталды ізденісі үшін Дипломмен марапатталды.
- 2018 жылы театрымыздың жас режиссерлары жылдан жылға өз біліктіліктерін арттыру мақсатында келесі аталған халықаралық және аймақтық театрланған фестиваль және көптеген конкурстарда қатысуда.
Мәселен: 28 мамыр -1 маусым күндер аралығында театр режиссері Б.Абдрахманов Татарстан Қазан қаласында өткен V Халықаралық түркі тілдес мемлекеттерінің «Науруз» театр форум-фестиваліне қатысты.
15 - 20 маусым күндер аралығында театр режиссері Ф.Қанафин Ресейдің Новосибирск қаласына С.Н. Афанасьев жетекшілігімен режиссерлік лобараторияға тәжірибе алмасуға барды.
29 қыркүйек – 1 қазан күндер аралығында театр режиссерлері Ф.Қанафин, Б.Абдрахманов ҚР Мәдениет және спорт министрлігі ұйымдастырған шетел шеберлерінің қатысуымен өтетін театр өнері қайраткерлерінің Республикалық Практикумына қатысып, сертификат иегерлері болып оралды. Сонымен қатар осы жылдың маңызды оқиғасы - Қазақстан Республикасының Тәуелсіздік күні қарсаңында театр өнерін дамытуға және насихаттауға қосқан зор үлесі үшін жоғары санаттағы драма әртісі Қалқатаев Құмарбек Өкенұлының «Қазақстанның еңбек сіңірген қайраткері» атағын алуы болды. Сондай-ақ, талантты жас драматург, театрдың әдебиет бөлімінің меңгерушісі Хыдырбай Манарбек IX Республикалық "Тәуелсіздік толғауы" байқауында "Тұман" пьесасының авторы ретінде Үздік пьеса номинациясы бойынша дипломға ие болды.
- 2019 жылы қаңтар айында Жалпы коллегия барысында театрымыздың талантты актрисасы Маржан Бөкешқызы ҚР "Мəдениет саласының үздігі" төс белгісімен және музыка бөлім меңгерушісі Медет Мұхамедин Мəдениет министрлігінің "Құрмет граматасымен" марапатталды.[1]
- 2020-2021 жылдардағы пандемия жағдайында да театр өз жұмысын жалғастыра алды. Көптеген қойылымдар театрдың YouTube каналына жүктеліп, сайттағы сілтемелер арқылы көрермендер қойылымдарды тамашалай алды.
Галерея[өңдеу | қайнарын өңдеу]
Сыртқы сілтеме[өңдеу | қайнарын өңдеу]
Дереккөздер[өңдеу | қайнарын өңдеу]
- ↑ Қазақстанның мәдени ошақтары. Культурные центры Казахстана: Фотоальбом. – Алматы:«АСА» Баспа үйі» ЖШС, 2012. – 288 б. (қазақ, орыс, тілдерінде) ISBN 978-601-80325-0-9