Шаңырақ (фильм)
| Шаңырақ | |
| Шаңырақ | |
| Жанры | |
|---|---|
| Режиссёрі |
Б. Бейсекова |
| Сценарийдің авторы |
Кәрім Танбаев |
| Басты рөлдерде |
Қамбар Уәлиев |
| Композиторы |
Ренат Салаватов |
| Кинокомпания | |
| Ұзақтығы |
70 минут |
| Мемлекет | |
| Тілі | |
| Шыққан жылы | |
Шаңырақ — 1987 жылы түсірілген "Қазақфильм" киностудиясының туындысы. Сценариін жазған — Кәрім Танбаев. Режиссері — Б. Бейсекова.
Мазмұны
[өңдеу | қайнарын өңдеу]Ерлан анасымен ғана тұратын бойдақ жігіт. Әкесі өмірден өтіп кеткен. Үйлену үшін кездесіп жүрген қызы Майраға сөз салады. Майра көнгенімен, Ерланмен кектесіп жүрген Майраның нағашысы көнбей, қалыңмал сұрайды. Соңында үлкендердің ақылымен Майраны алып қашады. Бірақ келінді ауладан кіргізе бергенде нағашысы милициямен келіп, "зорлап алып қашты" деген сылтаумен қамап тастайды. Енді оған Майра да көмектеспейді, нағашысының көңілін қимай, нағашысының қолымен жазылған "зорлап алып қашты" деген арызға еріксіз қол қойып жібереді де, Ерлан жазықсыз сотталып кетеді.
Қамауда жүріп орыс қызы Иринамен танысады да, араларында сезім пайда болады. Жаза мерзімін өтеп ауылына келсе, анасы өмірден өтіп кеткен екен. Шаңырақты жаңарту мақсатымен, әкесінен қалған ескі үйді бұзады да, жаңа үй салуға кірісіп, уақытша киіз үйде тұра бастайды. Осы кезде Майра мұны үйіне іздеп келеді, араларындағы баяғы сезімді қайта жаңғыртпақ болғанымен, одан біржола көңілі қалған Ерлан ыңғай бермейді.
Кейін Иринаға үйленіп, оны киіз үйге келін қып түсіреді. Ерланнан мәңгіге айрылғанын сезген Майра өзін жарға тастап, құрбан еткен жерінен кино аяқталады.
Рөлдерде
[өңдеу | қайнарын өңдеу]- Қамбар Уәлиев — Ерлан
- Нұргүл Малаева — Майра
- Надежда Евдокимова — Ирина
- Нұржұман Ықтымбаев — Ыдырыс
- А. Алексанян - Попандопуло
- Қасым Жәкібаев
- Гүлзия Белбаева
- Уайс Сұлтанғазин
Басқа да фактілер
[өңдеу | қайнарын өңдеу]- Фильм "Свема" компаниясының пленкасына түсірілген.