Нұржұман Байжұманұлы Ықтымбаев

Уикипедия — ашық энциклопедиясынан алынған мәлімет
Jump to navigation Jump to search
Нұржұман Байжұманұлы Ықтымбаев
Жалпы мағлұмат
Туған күні

14 мамыр 1941(1941-05-14) (78 жас)

Туған жері

Алтынемел ауылы, Кербұлақ ауданы, Алматы облысы, Қазақ КСР

Азаматтығы

 Қазақстан

Мамандығы

актер

Белсенді жылдары

1966 жыл - осы уақытқа дейін

Бағыты

тарихи фильм, драма, мелодрама, көркем фильм

Нұржұман Байжұманұлы Ықтымбаев (14 мамыр 1941 жылы туған, қазіргі Алматы облысы Кербұлақ ауданы Алтынемел ауылында) – актер, Қазақ КСР-інің халық артисі (1990).

Өмірбаяны[өңдеу]

Алматы музыкалық училищесінде (1954 – 1957) оқыған.

1966 жылы Жаркент қаласындағы педагогика училищені, 1968 жылы “Қазақфильм” студиясы жанындағы актерлік студияны бітірген.

1968 жылдан “Қазақфильм” студиясында киноактер болды.

Ойнаған рөлдері[өңдеу]

Алғаш ойнаған рөлі – “Қилы кезең” фильміндегі Қапан (1966). Таңдаулы рөлдері қатарында Сағатбай (“Балалық шаққа саяхат”), Төлеген (“Ұшы-қиырсыз жол”, 1968), Нұржан (“Мәншүк туралы жыр”, 1969), Хакім (“Атаманның ақыры”, 1970), Комиссар (“Орман балладасы”, 1972), Контрабандашы (“Ыстықкөлдің алқызыл гүлдері”, 1973), Смайылбек (“Көксерек”, 1974), Пачкаев-Бүркіт (“Бүркіттің соңғы жылы”, 1976; Ереван қ-нда өткізілген 11-Бүкілодақтық кинофестиваль дипломымен марапатталды, 1978), Мұраталиев (“Нан дәмі”, 1979; КСРО Мемлекеттік сыйлығы, 1980), Сейіт (“Қызыл керуен”), Тыко Вылко (“Түпсіз құрдым”, 1981), Барысбай (“Қызыл отау”, 1983), т.б. Ол сонымен қатар “Адамдар арасындағы бөлтірік” (1988), “Аллажар” (1992 – 1995), “Жамбылдың жастық шағы” (1996), т.б. көркем фильмдерге де түскен.

Марапаттары[өңдеу]

КСРО Кинематографиясының үздігі (1986). “Парасат” орденімен марапатталған (2007).[1]

Дереккөздер[өңдеу]

  1. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3