Эксгумация

Эксгумация - Қайтыс болуының себебін анықтау немесе мәйіттің ұқсастығына көз жеткізу мақсатымен, жерленген мәйітті көмілген орнынан аршып алу. Мақсатын көрсете отырып (қайтыс болушының жеке басын анықтау, қосымша немесе қайталама сараптама өткізу үшін) тергеушінің қаулысы (немесе соттың ұйғарымы) бойынша жүзеге асырылады. Тергеушінің, куәгерлер мен сот медицинасы саласындағы маманның қатысуымен жүзеге асырылып, тергеу әрекетінің хаттамасын жүргізумен ілесе жүреді; Хаттамаға фотосуреттер тіркеледі. Мәйітті тану мен тексеру, үлгілер алу эксгумация жасалатын орында жүргізілуі мүмкін. Бұл жағдайда тергеу іс-әрекетін жүргізуден алынған деректер және олардың реті мәйіт эксгумациясының жалпы хаттамасына енгізіледі. Мәйітті эксгумациялаудан және кейінгі іс жүргізу әрекеттерінен соң жерлеуді мәйітті эксгумациялау туралы қаулы шығарған адамның немесе органның қатысуымен жерлеу орны әкімшілігі жүргізеді.

Анықтау органдары тергеушіге эксгумация жүргізуге жәрдемдесуге міндетті.