Қара-ала балықшы

Қараала балықшы — 4 түрі белгілі. Теңіз жағалаулары мен ішкі су қоймаларын мекендейді. Барлық жерде кездеседі. ТМД—да Баренц теңізінен Қара теңізге дейін, шығысқа қарай Орта Азия мен Обь өзеніне дейін және Қиыр Шығыста кездеседі. Ұзындығы 40 см дейін. Тұмсығының ұшы екі жақ жанынан қысыңқы. Қос жақтаулы ұлулардың жаппаларының ашықтау жеріне тұмсығының ұшын енгізіп — басын бір жағына 900 бұрып — жаппаларды ашып—жабатын бұлшық еттерді үзеді де, ұлуларды құртады. Басқа балықшы құстардан өзгешелігі Қ.б. балапандарын азықпен қамтамасыз етеді. Қорегі, ұлулар, шаяндар, жәндіктер. 1 түрі мен 1 түршесі ХТҚО Қызыл кітабына енгізілген.