Әбдімүтәліп Көшкінбайұлы Көбеев

Әбдімүтәліп Көшкінбайұлы Көбеев (1960 ж. т., Қазығұрт ауданы Рабат ауылы) – экономист, ҚР Жоғары Кеңесінің депутаты (1994). Алматы халық шаруашылығы ин-тының экономика факультетін бітірген (1982). Атырау облысы атқару комитетінің облыстық сауда басқармасында экономист, аға экономист (1982 – 84), Бәйдібек ауданының Бөген, Жамбыл кеңшарларында экономист, аға экономист, бас экономист, аудан агроөнеркәсіптік бірлестігі бастығының экономика және қаржы жөніндегі бірінші орынбасары (1984 – 1992), Қазы¬ғұрт ауданы әкімінің экономика және инвестиция жөніндегі орынбасары (1992 – 1994) болып істеді. Экономиканы реформалау комитетінің мүшесі, кейіннен хатшысы. «Атакент» акционерлік қоғамында экономика жөніндегі вице-президент (1995–97), 1999 жылы Сарыағаш ауданы әкімінің экономика мәселелері жөніндегі орынбасары, 2002 жылдан Қазығұрт ауданының әкімі.