Серік Жұманғалиұлы Сәпиев

Серік Сәпиев (16 Қараша, 1983 жыл)- қазақ әуесқой боксшысы.

Медальдар
Competitor for Қазақстан
Men's Boxing
Әуесқой бокстан әлем чемпионаты
Gold	Мианяң 2005	Light Welterweight
Gold	Чикаго 2007	Light Welterweight}
Bronze	Милан 2009	Light Welterweight
Silver	Баку 2011	Light Welterweight
Asian Games
Bronze	Doha 2006	Light Welterweight

Балалық шағы

Болашақ әлем чемпионы бокспен 11 жасынан айналысып келеді. Өзі туып-өскен Қара­ған­дының іргесіндегі Абай қаласын­да ол Александр Стрельниковтың тәрбиесін көрді. Жас талапкер білікті бапкерге бірден ұнады. Өйткені боксқа деген бейімділік оның қанында бар. Серіктің неме­ре ағасы Бақтай да кезінде елі­міздің қабырғалы боксшыла­рының бірі болған. Көзі қарақты көрермендер жетпісінші жылда­ры шаршы алаңда атой салған ол азаматты әлі ұмыта қойған жоқ. Бақтай Сәпиев кезінде жастар ара­сында КСРО чемпионы, ере­сектер арасында КСРО чемпио­натының екі дүркін жүлдегері, социалистік елдер арасында өтетін «Достық» ойындарының жеңімпазы атанды. 1972-1976 жыл­дар аралығында Одақ құра­масының сапында болып, тоғыз бірдей халықаралық турнирде топ жарды. – Серік менің алдыма кел­генде 11 жаста еді. Өзі нәзіктеу, тұйық болатын. Бірақ көзіне қарап-ақ тегін бала еместігін аңғардым. Жанарында бір ұш­қын бар. Уақыт оза байқасам, өнері аздап ағасына келіңкірейді. Бақтай да техникалық арсеналы өте бай, жылдам боксшы бола­тын. Сондай қасиеттер Серіктің де бойынан табылды. Сол кезде мен бұл жігіттің шабысы ширақ болатынын байқадым, – дейді бапкері Александр Стрельников.

Алғашқы жеңістер

2004 жылы қарағандылық боксшы әскерилер арасында әлем чемпионы атанып, өзінің алғашқы ірі жеңісіне қол жеткіз­ді. Сол маусымда ол 60 келі сал­мақ дәрежесі бойынша Қазақ­стан чемпионы атанды. Осы та­быстар талантты боксшыны қа­наттандырып жіберсе ке­рек, енді ол қарсыластарын қуып жүріп сабайтындай деңгейге жетті. 2005 жылы Серік Сәпиевтің жұлдызы жарқырай жанды. Ол 64 келі салмаққа ауысып, Қы­тай­дың Миньян қаласында өт­кен әлем чемпионатында ел на­мысын қорғады.

Серік Алматыда өткен оқу-жаттығу жиынында сол қо­лынан жарақат алған бола­тын. Бірақ бұл жарақаты жа­йында бапкерінен басқа ешкімге тіс жарған жоқ. Өйткені бақта­ластары немесе дәрігерлер біліп қойса, жарысқа қатыспай қой­ды­­руы да мүмкін ғой. Ал әлем чемпионатында қазақтың намы­сын қорғау Серіктің байырғы арман еді. Жарақаты жанына бат­са да қандасымыз намысқа тырысты. Айтулы жарыста сло­вак Тибор Главацкиді (37:13), америкалық Карл Даганды (37:26), украиналық Николай Семенягуды (27:15), әзірбайжан Эмиль Магеррамовты (41:23) және өзбек Ділшот Махмутовты (40:21) жеңіп, бас жүлдені ол­жалады.

Сол жылы Сәпиев әлем ку­богы бәсекесінде де теңдессіз өнерімен тамсандырды. Мәс­кеуде өткен додада Қазақстан құрамасы жалпы командалық есепте үшінші орын алғанымен, Серік бірде-бір жекпе-жегінде жеңілістің дәмін татқан жоқ. Бірінші кездесуінде ол 10 се­кундтың ішінде Африка бокс­шысын нокаутқа түсірсе, жар­ты­лай финалда кубалық Йор­данис Эрнандесті 46:35 есебімен еңсерді. Міне, содан бергі екі жылдан астам уақыт аралығында Серік рес­ми жарыстарда тек жеңіске жетуде.

Әлем чемпионаты

2009 жылғы Әлем чемпионатында Серік мінсіз өнер көрсетті. Тыр­нақалды кездесуде Милан Пи­пес­­киді 26:6 есебімен ұтты. Одан кейінгі үш айқасты мерзімінен бұрын аяқтады. Никарагуалық Мен­доза Мендес, канадалық Кевин Бизер, ирандық Мұртаз Сепахванд, жапондық Масатусид Каваши қандасымызға еш қарсы­лық көрсете алған жоқ. Серік оларды арбап та, алдап та ұрып, жігерлерін құм етті. Ал финалда Геннадий Ковалевты 20:5 есебі­мен еркін еңсерді. Әдетте өзге мемлекеттердің өрендеріне мұ­рындарын шүйіріп қарайтын ресейлік мамандар бұл жолы қазақ боксшысының атына көп­те­ген жылы пікірлер айтты. Ал олардың: «Бұл бәсекеде Геннадий өзінің талассыз жеңілгенін мо­йындауға тиіс. Ол қазақ жігітінің тау қопарарлық қарқынына қарсы еш тосқауыл қоя алмады. Серік Сәпиев Олимпиадаға дәл осындай бабында келсе, бас жүл­деден басты үміткер болатыны даусыз», – деген пікірі көп нәр­сені аңғартса керек. Сөйтіп, алыс­тағы АҚШ елінде алтын медальді жеңіп алған Серіктің есімі спорт­тық шежіресінде екі мәрте әлем чемпионы атанған тұңғыш қазақ­стандық боксшы ретінде тіркелді. ^[1]

Жетістіктері

• 2004 жылы - әскерилер арасында әлем чемпионы;
• 2004 жылы - 60 келі сал­мақ дәрежесі бойынша Қазақ­стан чемпионы;
• 2005 жылы - 64 келі салмаққа ауысып, Қы­тай­дың Миньян қаласында өт­кен әлем чемпионатында жеңімпазы;
• 2006 жылы - Азия Ойындары, 3-ші орын
• 2007 жылы - әлем чемпионы (Чикаго, АҚШ)

Сілтемелер

• Сәпиевтің өмірінің мәні мен мақсаты – Лондон Олимпиадасы