IELTS

Уикипедия — ашық энциклопедиясынан алынған мәлімет
Мұнда ауысу: шарлау, іздеу
IELTS Логотипі

IELTS (ағылш. International English Language Testing System - ағылшын тілінің халықаралық тестілеу жүйесі) - ағылшыншасы ана тілі еместердің (non-native English speaker) тіл білу деңгейін тексеруге мұрсат беретін емтихан.

IELTS тестінің сертификаты Ұлыбритания, Канада, Австралия, Жаңа Зеландия мемлекеттеріне көшу үшін құжаттарын тапсырғалы жүрген адамдарға, және канадалық, австралиялық, британдық және ирландиялық университеттерінде жоғарғы білімін алғысы келген студенттерге қажет болады. Жыл сайын IELTS сертификаты қабылдау комиссиясында міндетті құжат болатын университеттер саны көбейіп жатыр.

IELTS сертификат

Әдістемесі[өңдеу]

IELTS тестінің екі түрі бар: Academic (оқытылу тілі ағылшын болатын жоғарғы оқу орындарында оқығысы келгендерге арналған) және General Тraining (жоғарыда аталған елдерге көшетін адамдарға арналған).

Academic тесттің General Тraining тестінен басты ерекшелігі – Оқылым (Reading section) мен Жазылым (Writing section) бөлімдерінің күрделіліктің көтеріңкі деңгейі.

IELTS тестінің нәтижелері жазылған сертификат, алынған күннен бастап екі жылға дейін жарамды болады.

Құрылымы[өңдеу]

IELTS 4 бөлімнен тұрады, және олар келесі реттелікпен тапсырылады: Listening, Reading, Writing, Speaking.

Listening – ұзақтығы 40 мин: 30мин – тыңдалым және сұрақтарға жауап беру, 10 мин – дұрыс жауаптарды жауап парағына көшіру. Тұрмыстық тақырыптардағы диалог, Берілген тақырыпқа монолог

Reading – ұзақтығы 1 сағат – 3 мәтінді оқып оларға байланысты сұрақтарға жауап беру.

Writing — ұзақтығы 1 сағ Task One. Academic: Диаграммa немесе кестені 150 сөзбен суреттеу. General: Хат жазу. Task Two. Берілген тақырыпқа 250 сөзбен эссе жазу

Speaking — ұзақтығы 11 -14 минут. Бұл бөлімде тапсырушы тексерушімен сұхбаттасады. Сұхбат толығымен диктафонға жазылады, сондықтан аппеляцияға беруге тапсырушының толық құқығы бар

Бағалау жүйесі[өңдеу]

Бағалау жүйесі 0 –ден “тестті тапсыруға талпынбады” 9-ға “эксперт” дейін.

9: Қолданушы – эксперт

Тілді толығымен түсінеді, қолданыла алады, өз ойын нақты білдіре алады

8: Өте жақсы қолданушы

Тілді толығымен қолданылады, кейбір дәлсіздіктер саналмаса. Кей жағдайларда түсініспеушілікті білдіруі мүмкін. Ол ойын аргументтермен түсіндіре алады.

7: Жақсы қолданушы

Кейбір түсініспеушіліктерді санамағанда, тілді жақсы қолданады. Жалпы айтқанда тіл білімін және ойын түсіндіріп жеткізе алады.

6: Білікті қолданушы

Жалпы тілді жақсы біледі, бірақ қателіктерді жібереді. Тіл білімін үйреншікті жағдайларда көрсете алады

5: Орташа қолданушы

Тіл білімі шектеулі, көп жағдайда түсінушілікті білдіреді. Бірақ қателерді көп жібереді.

4: Шектелген қолданушы

Негізгі тіл білімі бар, бірақ ол үйреншікті жағдайлармен шектеледі. Қиын тіл конструкцияларын қолданыла алмайды.

3: Аса шектелген қолданушы

Өте үйреншікті жағдайлар аяасында ғана шамалы деңгейдегі тіл білімін көрсете алады

2: Көптеген қиыншылықтары бар қолданушы

Шын мәнісінде қарым-қатынасу мүмкін емес. Өте үйреншікті сирек жағдайларда ғана жеке сөздер мен өте жeңіл конструкцияларды қолданып ойын білдіреді

1: Тілді қолданыла алмайды

Жеке сөздерден басқа тіл білімін мүлдем көрсете алмайды

0: Тестті өтуге тырысқан жоқ

Бағалауға ешбір ақпарат берген жоқ (жауап парағы бос)

Айлакерлік[өңдеу]

1. Гургаон, Үндістан. Қазан, 2009ж. (Indian Express.ru)

2. Перт, Батыс Аустралия. Маусым, 2010ж.(The Australian)

Емтихан нәтижелері[өңдеу]

2007 жылғы нәтижелер бойынша Academic IELTS емтиханын ең жақсы тапсырған мемлекеттер тізімі:

1.Германия

2.Малайзия

3.Филиппин

4.Ресей

5.Гонкгонг

Білім алуға арналған IELTS талаптары[өңдеу]

Емтихан үміткерлерінің 51% жоғарғы білімді шетелде алу үшін тапсырады. Емтихан талаптары жоғарғы оқу орнына және таңдалған мамандыққа байланысты өзгеріп тұрады. Жалпылай алғанда ағылшын тілді мемлекеттер үміткерлерден өте жоғары нәтижелерді күтеді.

Америка Құрама Штаттары

Ең жоғарғы талап 8,5 ұпай. Бұл Колумбиялық университетінің журналистика мектебіне түсушілерге қойылған талап. Морица Мемлекеттік университетінің Заңгерлік колледжіне түсу үшін емтихан нәтижесі 8,0 ұпайдан кем болмауы тиіс.

Ұлыбритания

Ең жоғарғы талап – 8,0 ұпай. Бұл Варвик университетінің маркетинг факультетінде докторлық дәрежеге оқуға түсудің ең төменгі шегі. Қалған университеттер 5,5-7,5 ұпай аралықта қабылдай береді.

Германия

Жоғарғы оқу орындарының көбісі 6,0 ұпайын талап етеді.

Италия

Жоғарғы оқу орындарының көбісі 7,0 ұпайын талап етеді.

Қазақстан

Назарбаев Университетінде ең төменгі талап 5,5 ұпай, медицина мектебінде.

Дереккөздер[өңдеу]

http://www.ielts.org/

http://www.unitec.ac.nz/toolbox_items/IELTS.pdf

http://www.ox.ac.uk/admissions/undergraduate_courses/courses/courses_and_entrance_requirements/english_language.html

http://www.ed.ac.uk/studying/postgraduate/international/language

http://www.study.cam.ac.uk/undergraduate/international/requirements.html

http://www.gla.ac.uk/international/inyourregion/englishasaforeignlanguage/

http://www.wiut.uz/en/admission/requirements/