Іле отынкескіш қоңызы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Іле отынкескіш қоңызы
Ғылыми топтастыруы
Дүниесі: Жануарлар
Жамағаты: Буынаяқтылар
Табы: Жәндіктер
Сабы: Қатты қанаттылар‎
Тұқымдасы: Cerambycidae
Тегі: Turkaromia
Түрі: T. pruinosa
Екі-есімді атауы
Turkaromia pruinosa
(Reitter, 1903)
Синонимдері

Aphrodisium pruinosa Hua, 2002
Tomentaromia pruinosa Podany, 1971

Іле отынкескіш қоңызы (лат. Turkaromia pruinosa) – қатты қанаттылар сабының сүген қоңыздар тұқымдасына жататын, саны қысқарып бара жатқан, сирек кездесетін түр. Туыс ішінде ерекше бөлек түр. Таралу аймағы тар, үштік дәуір қалдығы. Табиғатты әшекейлейтін ірі қоңыз. Қаратал мен Іле өзендері жайылмасында таралған. Тоғайлы ормандарда тіршілік етеді.

Дернәсілдері едәуір жуан "Salix caspica" тал ағашында (діңінің жуандығы 20-30 см) дамиды, ағашта ұзын қуыстар жасайды. Ересек қоңыздар маусым-шілдеде шығады. Қосымша қорек ретінде жас өркендер қабығын кеміреді. Барлық жерде саны төмен, әрі азайып барады. Тіршілік ету ортасы өзен жайылмаларының кебуіне, өзен су ағысын реттеуге және өрттерге байланысты қысқарып отыр. Бұл түрдің жекелеген популяцияларының құрып кетуіне әкеліп соғады.

Дереккөздер[өңдеу]

  • "Ғажайып омыртқасыздар. Қазақстан Қызыл кітап беттерінен" - Алматы: Алматыкітап баспасы, 2009