Абылай ханның Қызыл ағашы

Уикипедия — ашық энциклопедиясынан алынған мәлімет
Jump to navigation Jump to search

Абылай ханның Қызыл ағашыКөкшетаудың маңында Абылай ханның есімімен байланыстырылған екі алаң бар: Үлкен және Кіші алаңдар. Осы орайда, «Абылай ханның Қызыл ағашы» деген жерде былай ханның басты алаңы орналасты деуге негіз бар. Бұл жерге жиырма жыл бұрын Бурабайдағы Абылай хан атындағы музейдің негізін қалаушы, Көкшетау өлкетанушысы Әмина Тұрсынбаеваның ұсынысымен мәрмәр тас орнатылған және оған ақын Мағжан Жұмабаевтың жыр шумақтары жазылған:

Ертеде жел өтпейтін Қызыл ағаш

Дариға, бұл күндерде жап-жалаңаш

Қабірінен әулиенің Алашқа артық,

Ертеде Абылайға Орда болған ағаш.

Аңызға сүйенсек, «Ханның Қызыл ағашы» деп аталатын бұл алаңда Абылай хан құрылтай, әскери жиналыстар, тағы да басқа көлемді іс-шаралар өткізіп отырған. Көкшетау тауының шығыс бөлігіндегі алаң «Абылай хан алаңы» деп аталды. Көкшетау таулары Абылай ханды дұрыс шешім қабылдауға шабыттандыратын деген аңыз сақталған. «Ханның Қызыл ағашы» деген топониммен бірге «Ханның Қызыл үйі» деген түсінік қалыптасқан, бұл жоғарыда аталған орыннан солтүстік-батыс бағытында орналасқан «Абылай ханның ордасы» деген ұғымды білдіретін.[1]

Дереккөздер[өңдеу | қайнарын өңдеу]

  1. Қазақстанның өңірлік қасиетті нысандары. — Астана: Фолиант, 2017. — 504 б.