Автотуризм

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Автотуризм. Көптеген автоәуесқойлар автомобильді демалыс кезінде саяхатқа шығу үшін пайдаланады.

Маршрутты тандағанда машинашы жүргізу тәжірибесін, автомобильдің техникалық жайын, жыл мезгілін, жолдық жағдайын ескеру керек.

Алғашқы қашық сапарға жақсы, магистральды жолмен жазда шыққан қолайлы, өйткені мұндай жолда қонақ үйі немесе кемпинг, автомобильге май құятын және техникалық қызмет көрсететін станция болады.

Маршруттың ұзақтығы бір бағытқа көп дегенде 2000 км, ал тәуліктік жүрісі 500—600 км-ден аспауға тиіс. Онан ұзақ сапар әрі қажытады, әрі қауіпсіз де емес. Жолға алатын заттық салмағын ескеру керек, өйткені оның салмағы жолаушылардың салмағымен қоса есептегенде автомобильдің тиісті мүмкіндігінен артыл кетпеуі керек.

Автомобильдің төбесіне қосымша жүк қойғыш орнату орынсыз болады, өйткені оған қойылған зат қораптың жоғарғы бөлігіне артық салмақ түсіріп, аэродинамикалық кедергіні күшейтеді. Бұл жағдай оның орнықтылығын әрі басқарылуын нашарлатады, қосымша қуат жұмсалуын талап етеді және жанармай шығынын арттырады. Егер қосымша жүк қойғыны қайткен күнде де алып жүру қажет болса, онда оған қойылатын затты ауа кедергісі мейлінше аз болатындай етіп байлаған жөн. Содан кейін бұрылыстан сақтықпен өтіп, шұғыл тежемей, әрі двигательге артық күш түспейтіндей жылдамдық сақтап отыру керек.

Сапарға шығар алдында автомобиль кезекті техникалық күтім жасап, жолға басы ар тық (запас) бөлшектер алу қажет. Осы заманғы жеңіл автомобильдер үшін жақсартылған жолмен 4000—5000 км қашықтыққа жүру аса қиындыққа соқпайды, сондықтан жолға өзіңмен бірге тек жиірек істен шығатын шағын детальдарды ғана алу керек.

Қазіргі жасап шығарылып жатқан жеңіл автомобильдерге қауіпсіздік белдігін орнату мүмкіншілігі қарастырылған, оны жол жүрісі ережесіне сәйкес жүргізуші мен жолаушылар пайдалануға міндетті. Жол жүру тәртібінде 2,5—3 сағат жүрген сайын демалу үшін қысқа мерзімді (10—15 минут) аялдама жасау, ұзақ демала отырып түскі тамақ ішу және қараңғылық түсісімен қонатын жерге тоқтау жағдайы қарастырылған. Машиналық тәулік бойындағы жүретін уақыты көп дегенде 9—11 сағат болуға тиіс.[1]

Дереккөздер[өңдеу]

  1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9