Айтбала Абданова
| Айтбала Абданова | |||
| Туған күні | |||
|---|---|---|---|
| Туған жері |
Қарашоқы ауылы, Жаркент уезі, Жетісу облысы, Түркістан өлкесі, Ресей империясы | ||
| Қайтыс болған күні |
белгісіз | ||
| Марапаттары мен сыйлықтары |
| ||
Айтбала Абданова (1902 жылы, Қарашоқы ауылы, Жаркент уезі, Жетісу облысы, Түркістан өлкесі, Ресей империясы — ?) — Қазақ КСР, Талдықорған облысы, Панфилов ауданы, «Октябрь» кеңшарының аға шопаны, Социалистік еңбек ері (1958).
Өмірбаяны[өңдеу | қайнарын өңдеу]
1902 жылы Түркістан өлкесі, Жетісу облысы, Жаркент уезі, Қарашоқы ауылында (қазіргі Қазақстан, Жетісу облысы, Панфилов ауданы) туған.
1931 жылы Қазақ АКСР-нің Жаркент (1942 жылдан бастап — Панфилов) ауданында «Октябрь» қой кеңшарының құрылуымен қатардағы жұмысшы, 1937 жылдан бастап аға шопан болып жұмыс істеді.
1941 жылы күйеуін Ұлы Отан соғысы майданына шығарып салып, Айтбала отар қойын қабылдап алады. Жұмысшылардың, жем-шөп пен малға арналған үй-жайлардың тапшылығы жағдайында соғыс кезінде де, соғыстан кейінгі жылдары да жоғары көрсеткіштерге қол жеткізді.
1955 жылы өз отарындағы әр қойдан 6,5 килограмнан жүн қырқып алса, келесі 1956 жылы мал басын толық сақтай отырып, қойдан жүн қырқуды 6,7 килограммға жеткізді. А.Абданованың еңбегінің арқасында «Октябрь» қой шаруашылығын дамыту кеңшары Талдықорған облысында алғашқы орындардың бірін иеленді.
Аяз болған 1956-1957 жылдың қыс мезгілінде Айтбала Абданова ісектерді күтіп-баптап, қоңдылығын азайтпай ғана қоймай, тіпті күшейтіп, өнімділігіне оң әсерін тигізді. Оның отарынан әр ісектен 7,1 килограмм бірінші сортты жүн қырқылды. 1957 жылы А.Абданова жүн қырқудан Панфилов ауданының қой өсірушілері арасында бірінші орынды жеңіп алды.
КСРО Жоғарғы Кеңесі Төралқасының 1958 жылғы 29 наурыздағы Жарлығымен 1957 жылы қой шаруашылығын дамытуда, ет, жүн және қаракөл терісін өндіру мен мемлекетке тапсыруды арттыруда қол жеткізген тамаша табыстары үшін және ғылым жетістіктері мен озық тәжірибені өз іс-тәжірибесінде кеңінен пайдалана отырып, Абданова Айтбала Ленин ордені және «Орақ пен балға» алтын медалімен марапатталып, Социалистік еңбек ері атағы берілді.
А.Абданова 1959 жылы жоғарылатылған міндеттеме алып, әр қойдан 8 килограмнан жүн алды.
Еңбекшілер депутаттары Панфилов аудандық Кеңесінің және Қоңырөлең ауылдық кеңесінің депутаты болып сайланды.
Панфилов ауданында тұрды. Қайтыс болған күні белгіленбеген.
Марапаттары[өңдеу | қайнарын өңдеу]
- Ленин ордені (29.03.1958)
- «Орақ пен балға» алтын медалі (29.03.1958)
- Медалдар
Әдебиет[өңдеу | қайнарын өңдеу]
- Герои Социалистического Труда — казахстанцы. Т. 4. — Алма-Ата: Казахстан, 1970.
Сілтеме[өңдеу | қайнарын өңдеу]
- Абданова Айтбала. «Герои страны» сайты.