Айтқали Нұрышқалиұлы Нәдіров

Нәдіров Айтқали Нұрышқалиұлы (20.6.1940 ж.т., Батыс Қазақстан облысы Таскала ауданы Ширяев а.) - ақын. Орал педагогикалық институтын бітірген (1968). 1968 - 88 ж. Батыс Қазақстан, Маңғыстау облысы газет редакцияларында қызмет істеген. 1988 - 92 ж. Қа- зақстан Жазушылар одағы көркем әдебиетті насихаттау бюросының Орал, Ақтөбе, Атырау, Маңғыстау облысы бойынша уәкілі, 1992 жылдан Қазақстан Жазушылар одағы "Аққұс" қауымдастығы Батыс Қазақстан облысы бөлімшесі басқармасының төрағасы қызметтерін атқарған. Қазір облыстық теледидарда жұмыс істейді. Тырнақалды туындылары респ. жас ақындардың "Жас керуен" үжымдық жинағында жарияланған (1969). "Жүрек толқындары", "Көк майса" (1970), "Еркін есейіп келеді" (1975), "Тыныштықты тілеймін" (1980). "Еңбек зейнеті" (1985), "Самал" (1990), т.б. кітаптары жарық көрген. Респ. жастар поэзиясы фестивалінің дипломанты (1972). Тасқала ауданының құрметті азаматы.