Александр Антонович Хапсалис

Уикипедия — ашық энциклопедиясынан алынған мәлімет
Jump to navigation Jump to search
Александр Хапсалис Футбол
Жалпы мағлұмат
Туған күні

17 қазан 1957 (1957-10-17) (64 жас)

Азаматтығы

 КСРО
 АҚШ

Бойы

172

Салмағы

68

Позиция

жартылай қорғаушы

Клуб жайлы ақпарат
Клуб

карьерасын аяқтады

Клуб карьерасы[* 1]
1973—1975 Кеңестік Социалистік Республикалар Одағы Қайрат 21 (0)
1976—1982 Кеңестік Социалистік Республикалар Одағы Динамо (Киев) 134 (13)
1983—1985 Кеңестік Социалистік Республикалар Одағы Динамо (Мәскеу) 72 (0)
1986 Кеңестік Социалистік Республикалар Одағы СКА (Киев) 33 (2)
1987—1988 Кеңестік Социалистік Республикалар Одағы Колос (Никополь) 52 (6)
1989 Кеңестік Социалистік Республикалар Одағы Звезда (Кировоград) 49 (4)
1990—1991 Кеңестік Социалистік Республикалар Одағы Кировец (Ленинград) 43 (3)
1992—1993 Америка Құрама Штаттары Сан-Диего Соккерс 12 (0)
Ұлттық құрамы[* 2]
1979  КСРО 2 (1)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Хапсалис Александр Антонович 17 қазан 1957(19571017), Талғар) — спортшы, футболдан халықаралық дәрежелі спорт шебері.

Өмірбаяны[өңдеу | қайнарын өңдеу]

Карьерасы[өңдеу | қайнарын өңдеу]

1973-75 жылдары "Қайраттың", 1976-82 жылдары Киевтің "Динамо" командасының құрамында ойнады. 1978, 1982-84 жылдары КСРО Кубогінің иегері атанды. 1980-82 жылдары КСРО чемпиондығына қол жеткізді. 1976-85 жылдары КСРО құрама командасының мүшесі болған.[1]

1973 жылы "Қайраттың" екінші құрамында ойнады. Ұзамай негізгі құрамда ойнай бастады. Негізгі құрамдағы тұңғыш ойынын 1974 жылы 27 мамырда "Заря Ворошилов" клубына қарсы өткізді. Бұл КСРО кубогы матчы болатын. 1975 жылы "Қайрат" сапында КСРО бірінші лигасында ойнады.

1975 жылы Ташкентте халықаралық турнирде үздік мерген атанды да, "Динамо Киев" бапкерлерінің бірі Михаил Ломанның көрсетуімен Валерий Лобановскийдің көзіне түседі. Ұзамай сол клубқа ауысты. 1976 жылы 4 сәуірде киевтіктер сапындағы тұңғы ойынын "Динамо Мәскеуге" қарсы өткізді. Хапсалис кездесудің 68-минутында алаңға шықты.

1983 жылы сол Мәскеудің "Динамосына" ауысты. Кейін Украин КСР-індегі бірнеше клубта доп тепті.

1992 жылы АҚШ-тың "Сан-Диего Соккерс" клубына ауысты. Сол күйі АҚШ-қа тұрақтап қалды.

Ұлттық құрама[өңдеу | қайнарын өңдеу]

1979 жылы КСРО құрамасы сапында екі ойын өткізді. 7 шілдеде ЕУРО-1980 іріктеуінде Финляндияға қарсы ойында бірінші, 14 қазанда Румынияға қарсы жолдастық кездесуде екінші ойынын өткізді. Финляндиямен ойыында бір гол соқты, бұл ойын 1:1 есебімен тең аяқталды.

Жеке өмірі[өңдеу | қайнарын өңдеу]

КСРО дәурінде дәрігерлер "жүрегі нашар" деген диагнозбен футбол ойнауына тыйым салды, тіпті "егер біздің ескертуімізді тыңдамай ойнай берсе, бір кінәлі болмаймыз" деген тілхат та жазып берді[2]. Бірақ соған қарамастан Хапсалис 1993 жылға дейін доп тепті.

Екі рет үйленген, екі әйелінен төрт перзенті бар.

Қазір Лос Анжелесте футбол мектебі бар, өзі соның қожайыны.

Жетістіктері[өңдеу | қайнарын өңдеу]

  • КСРО чемпионы (2): 1980, 1981
  • КСРО кубогы 1978, 1982, 1984
  • Жаөспірімдер арасындағы Еуропа чемпионы 1976.
  • Жастар арасындағы Еуропа чемпионы 1980.

Дереккөздер[өңдеу | қайнарын өңдеу]

  1. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3
  2. http://www.kazpravda.kz/index.php?uin=1152085727&chapter=1000051813&act=archive_date&day=18&month=5&year=2002

Сілтемелер[өңдеу | қайнарын өңдеу]